Matiu 26:27 - Edo Bible (E Baibol Ẹdo) Version 1996

²⁷ Ọ keghi vbe mu ukpu, Ọ na kpọnmwẹ Osanobua, ọ keghi mu ne iran, ọ wẹẹ, “Wa hia fẹẹrẹ, dae.

Matiu 26:27 ပူးပေါင်းရင်းမြစ်များ

Psalm 116:13

I gha mu ayọn izọhẹ gie Nọyaẹnmwa, ne I ya kpọnmwẹ ọẹn ye ne ọ na miẹn mwẹ fan.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Ihuan Ne Ọ Sọọ Ihuan Hia 7:9

Unu ruẹn zẹ vbe ayọn ne ọ maa sẹẹ. Wa gie nene ayọn gha lẹ bu enida mwẹ yo. Ne ọ gha lẹ ye ọ re akhuarhamwunu kevbe akọn.

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Matiu 15:36

Ọ keghi viọ eka ihinrọn kevbe ehẹn nii, ọ kpọnmwẹ Osanobua, ọ keghi gia ẹre hẹ ne avbe erhuanegbe ẹre, avbe erhuanegbe keghi gha ẹre ne avbe emwa nii.

Matiu 26:26

Ugbẹn vbe iran ghi rri evbare, Jesu keghi mu ududu ebrẹd, ọ na erhunmwu ekpọnmwẹ, ọ bun ẹnrẹn, ọ keghi rhie ne avbe erhuanegbe ẹre, ọ wẹẹ, “Wa miẹn ne uwa rri ọ e, egbe mwẹ ọ re nọ.”

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Iyẹn ne ọ Maan Ọghe Luk 22:20

Erriọ zẹẹ ọre ọ vbe mu ukpu ne iran, vbe iran rri evbare ota wẹ, “Ukpu na ọrọre ile ọgbọn ọghe Osanobua ne a ya esagiẹn mwẹ ne a gbe ye otọ ne uwa yi ẹre okhi!”]

I Kọrinti 10:16

Ukpu afiangbe ne ima kpọnmwẹ Osanobua yi, ma gha wọn vbọ, ẹ i re esagiẹn Kristi ọre ima na wọn? Ebrẹd ne ima giagia, ma gha rri ọe, ẹ i re efun egbe Jesu ma na re?

I Kọrinti 11:28

Rhunmwuda ọnii, ọ kere ne dọmwadẹ ọghọe gualọ otọ egbe ẹre nẹ, ọ ke do rri ebrẹd nii, ne ọ vbe da vbe ukpu nii.