Matiu 26:18 - Edo Bible (E Baibol Ẹdo) Version 1996

¹⁸ Rẹn wanniẹn tama iran wẹẹ, “Wa bu okpia ọkpa vbe ẹvbo na, wa tama rẹn wẹẹ, ‘Ẹghẹ mwẹ sẹ nẹ, mẹ kevbe avbe erhuanegbe mwẹ ra do ru Emwiukpo Alagberra vbe owa ruẹ.’ ”

Matiu 26:18 ပူးပေါင်းရင်းမြစ်များ

Matiu 21:3

Ọmwa ne ọ rhirhi gu uwa guan, wa tama rẹn wẹ, ‘Nọyaẹnmwa mwẹ emwi ne ọ ra ya iran ru.’ Ọ gha gie iran gha dee ọwarọkpa.”

Matiu 23:10

Wa ghẹ gie a tie uwa ‘Ọsuọmwa’ rhunmwuda Ọsuọmwa ọkpa ne uwa mwẹ ọrọre Mẹzaia.

Matiu 23:8

Wa ghẹ gie a gha tie uwa ‘Ọmamwaemwi’ rhunmwuda etẹn ọkpa wa hia khin, Ọmamwaemwi ọkpa ọre uwa vbe mwẹ.

Matiu 26:19

Avbe erhuanegbe keghi ru zẹ vbene Jesu tama iran, iran keghi ya mu egbe evbare Alagberra ye otọ.

Matiu 26:2

“Wa rẹnrẹn ighe irakhuẹ ọrọre ẹdẹ Emwiukpo Alagberra, a gha rhie Ovbi Ọmwa ladian ne akan rẹn mu ugbugbe.”

Matiu 26:49

Ugbẹn vbe Judas ghi rre, ọ keghi wa bu Jesu gha khian taara, ọ wẹẹ, “Ọmaemwaemwi, ọfumwegbe ọ re ọwuẹ,” ọ keghi ya unu soso ẹre unu.

Iyẹn ne ọ Maan Ọghe Mak 5:35

Ugbẹn vbe Jesu he wa ye guan ẹmwẹ na, emwa eso ke owa olotu Ọgua ediọn rre do tama rẹn wẹẹ, “Ovbuẹ wu nẹ, vbe u a ghi ye kpokpo Ọmamwaemwi ba a?”

Iyẹn ne ọ Maan Ọghe Luk 22:53

Mẹ vbe uwa ọre ọ gba gha rre Ọgua Osa ẹdẹgbegbe, wa ma kha ighẹ uwa gha mu mwẹ, sokpan ẹghẹ ọghe uwa ọre ọ na khin kevbe ẹtin ebiebi.”

Iyẹn ne ọ Maan Ọghe Jọn 11:28

Mata ghi ta ẹmwẹ na nẹ, ọ keghi heko ya tie ọtiọnrẹn ighe Meri, ọ tama rẹn wẹẹ, “Ọmamwaemwi rre, ọ nọ ẹmwẹ ruẹn.”

Iyẹn ne ọ Maan Ọghe Jọn 12:23

Jesu wanniẹn tama iran wẹẹ, “Ẹghẹ sẹ ne nian ne a gha ya rhie uyi nọkhua ne Ovbi Ọmwa.

Iyẹn ne ọ Maan Ọghe Jọn 13:1

A ghi tie ẹre akhuẹ ọrọre Emwiukpo Alagberra, Jesu rẹn nẹ wẹ ẹghẹ sẹe nẹ ne irẹn gha ya kpao vbe agbọn na ne ọ bu Evbavba gha khian. Ọ kakabọ ho ẹmwẹ iran ni re ọghọe vbe agbọn na, te ọ wa ho ẹmwẹ iran ya sẹ ufomwẹ.

Iyẹn ne ọ Maan Ọghe Jọn 17:1

Ugbẹn vbe Jesu ghi ta avbe ẹmwẹ na fo nẹ, ọ keghi tọn aro mu ghe odukhunmwu, ọ wẹẹ, “Evbavba, ẹghẹ na kha nii sẹ nẹ nian. Rhie uyi ne Ovbi uẹ ne Ọmọ vbe rhie uyi nuẹn.

Iyẹn ne ọ Maan Ọghe Jọn 20:16

Jesu tama rẹn wẹ, “Meri!” Rẹn keghi fi egbe werriẹ ghe odẹ ne ọ ye, ọ keghi zẹ Hibru ọ wẹẹ, “Rabbọni!” (ọnii nọ wẹ “Ọmamwaemwi.”)

Iyẹn ne ọ Maan Ọghe Jọn 7:30

Iran keghi te gha ho ne iran mu ẹn sokpan, ọmwa ne ọ ye obọ kan rẹn ẹ i rrọọ rhunmwuda ẹghẹ ọre ma he sẹ.

Iyẹn ne ọ Maan Ọghe Jọn 7:6

Jesu tama iran wẹẹ, “Ẹghẹ mwẹ ma he sẹ. Ẹdẹ hia ọre ọ wa re ọ ghe uwa.

Iyẹn ne ọ Maan Ọghe Jọn 7:8

Wa gha rrie nene emwiukpo, mẹ i rrie emwiukpo na rhunmwuda ẹghẹ mwẹ ma he sẹ.”