Matiu 26:10 - Edo Bible (E Baibol Ẹdo) Version 1996

¹⁰ Jesu rẹn emwi ne iran ta, ọ keghi khama iran wẹẹ, “Vbọzẹ ne uwa na kpokpo okhuo na yi. Emwi uyi nọkhua ọre ọ ru mẹ na.

Matiu 26:10 ပူးပေါင်းရင်းမြစ်များ

Nehimaia 2:18

I keghi vbe tama iran vbene Osanobua wa yaba mwẹ hẹ, ọ na vbe yọmwẹ obọ, kevbe vbene ọgbaisi tama mwẹ hẹ. Iran hia keghi wanniẹn wẹẹ, “Gie ima suẹn gha dọlọ ẹe bọ nian.” Iran keghi mu egbe ne iran gha ya suẹn iwinna nii.

Job 13:7

Vbọzẹ ne uwa na ta ohoghe yi? Wa yayi ighẹ ohoghe uwa mwẹ emwi ne ọ gha ru ne Osanobua re ra?

Matiu 26:11

Ẹghẹ hia ọre avbe ivbiogue gha ya gu wa gha rrọọ, sokpan mẹ i ra gha gu wa rrọọ ẹghẹ hia.

Matiu 26:9

A gha te khiẹn ori na ighobioye ghae ne avbe ivbiogue.”

Iyẹn ne ọ Maan Ọghe Mak 14:6

Sokpan Jesu tama iran wẹẹ, “Wa sẹ ọe rae! De emwi ne uwa ghi kpokpo ẹe ba nian? Emwi usi ọghe ẹmwata ọre ọ ru mẹ.

Iyẹn ne ọ Maan Ọghe Luk 8:49

Te Jesu he wa ye guan ẹmwẹ na vbe ọmwa ne a gie ẹre uhunmwu ke owa ọdakha nii rre sẹ evba, ọ tama Jairọs wẹẹ, “Ovbi uẹ wu nẹ ne u ghẹ ghi kpokpo ọmamwaemwi.”

II Kọrinti 9:8

Osanobua gha sẹtin rhie ne uwa gberra inu ne uwa i mwẹ, vbe ne a gha na miẹn wẹ wa ghi gha mwẹ emwi ne uwa ho hia ọghe obọ uwa, kevbe sẹ inu ne uwa gualọ ye emwi esi ne uwa a rhirhi gha ru.

Galatia 1:7

Vbe ọghe ẹmwata, ẹ i re wẹ “iyẹn ne ọ maa” ọvbehe rrọọ, emwi ne ọ ya mwẹ tae, ọrọre wẹ, emwa eso rrọọ ni mu uwa orhiọn rueghe, iran ho ne iran fi iyẹn ne ọ maa ọghe Kristi werriẹ.

Galatia 5:12

Iran ni do gha rueghe uwa orhiọn na, vbe ọ rrọọ akpawẹ iran gha wa ru fo, wẹ ne iran ya ye egbe iran khian osọnmwẹ.

Galatia 6:17

Ne I ya mu ẹmwẹ na ye otọ, ọmwa rhọkpa ghẹ ghi kpokpo mwẹ o. Ama ẹtẹ ni rrọ mwẹ egbe rhie maa wẹ ọviẹn Jesu ọre I khin.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

II Tẹsalonaika 2:17

Gha ye ẹtin ne ọ la ọmwa iwu, vuọn ekhọe uwa, ne ọ vbe gie uwa wo vbe egbe ne uwa sẹtin gha ta kevbe ne uwa vbe gha ru emwi ne ọ maa.

I Timoti 3:1

Uhunmwu ẹmwẹ ọre ẹmwẹ na khin: A deghẹ ọmwa ho ne ọ gha re ọkaolotu esọsi, iwinna esiesi ọre ọ ho.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

II Timoti 2:21

A deghẹ ọmwaikọmwa yuo egbe ẹre hin uwu avbe emwi dan na rre, rẹn ghi gha re ne a lo vbe ẹghẹ kpataki, rhunmwuda rẹn ya egbe fi ohan, ọ keghi vbe guobọ arowa ẹre, ọ mu egbe vbe ẹghẹ hia, ne a ya lo ẹre ye emwi ne ọ maa.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Taitọs 3:1

Ye avbe emwa ruẹn ẹre rre, ne iran gha gbe uhunmwu ke otọ ne iran ni rre asẹ kevbe ọdakha, ne iran gha họn ẹmwẹ ne iran, ne iran mu egbe ne iran gha ya gha ru emwi ne ọ maa vbe ẹghẹ hia.

Taitọs 3:14

Ma emwa ima ẹre ne iran gha lo ẹghẹ iran ya winna iwinna esi, ne iran gha khuan ye emwi ne ọ kere ne a gha mwẹ. Wẹ ne iran ghẹ gha rre agbọn ọ rhiae.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.