Matiu 24:8 - Edo Bible (E Baibol Ẹdo) Version 1996

⁸ Ena hia keghi yevbe emwi ubiẹmwẹ ne ọ ru okhuo vbe ọ te biẹ.

Matiu 24:8 ပူးပေါင်းရင်းမြစ်များ

Aizaia 10:4

Iran gha gbele uwa a vbe okuo ra iran ghi silo uwa viọ gha rrie zẹ vbe oghunmwu. Ọ gha rhe ye rrio, ohu e Nọyaẹnmwa i he ye fo, obọ ẹre gha ye niẹn ladian ne ọ ya rria ikhi.

Aizaia 9:12

E Siria vbe odẹ ahọ kevbe Filistia vbe odẹ orrie, rhan unu yotọ ne iran minọ Izrẹl re. Ọ rhe ye vberriọ, ohu e Nọyaẹnmwa ma he ye fo. Te ọ ye niẹn obọ ẹre ladian ne ọ rri iran oya.

Aizaia 9:17

Rhunmwuda ọnii, e Nọyaẹnmwa I ra gie ọkpa lẹfe vbe uwu avbe igbama ni rrọọ, ẹ i ra vbe tohan avbe ẹgbẹ kevbe emọ ne ẹ i mwẹ erha, rhunmwuda emwa dan ne emwa dan ọ re avbe emwa nii hia wa khin, ẹmwẹ ne iran ta hia, ọkhọ ọ re ehia khin. Ọ rhe ye vberriọ, ohu e Nọyaẹnmwa i he ye fo, te obọ ẹre gha ye niẹn ladian ne ọ rria ikhi.

Aizaia 9:21

Ivbi e Manasẹ kevbe ivbi Ifreim gha gu egbe khọn, iran ghi vbe koko mu okuo gie Juda. Sokpan, ọ rhe ye vberriọ, ohu e Nọyaẹnmwa ma he ye fo, te obọ ẹre ye niẹn ladian ne ọ rriaikhi.

Hozia 13:13

Ẹghẹ te wa gha rrọ ne Izrẹl gha na miẹn uhunmwu, sokpan ukọnmwẹ ma gie ẹe lo ẹre, ọ yevbe ọmọ ne a ra biẹ ne ọ wẹ rẹn ighi ke ẹko ladian.

Iyẹn ne ọ Maan Ọghe Mak 13:8

Okpẹvbo ọkpa gha mu okuo gie okpẹvbo ọvbehe. Arriọba ọkpa gha vbe mu okuo gie arriọba ọvbehe. Igbohiotọ ghi gha rre ehe hia. Ukhunmwu ghi gha fi. Ena hia gha yevbe ne emwi ubiẹmwẹ ru okhuo.

Iyẹn ne ọ Maan Ọghe Luk 21:12

Sokpan, vbe avbe emwi na te do gha sunu, iran gha munọ uwa, iran ghi gha zẹ uwa kpokpo, iran ghi silo uwa gha rrie Ọgua ediọn ne a ya gu uwa gui, a ghi filo uwa ku eghan, a ghi silo uwa gie avbe ọba kevbe irriegie rhunmwuda mwẹ.

Diuteronomi 28:59

A deghẹ wa ma ru vberriọ, ọ gha gie emianmwẹ ne ẹ i mwẹ ukhunmwu gie uwa kevbe avbe ivbi uwa ke ẹe kevbe egboghogbogho ne ọ mu ohuan ne ẹ i gie a dayi.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

Jems 5:1

Banbanna nian, wa danmwehọ mwẹ, wa ni fee. Wa gha viẹ, wa gha viẹ eve orriara ye ẹmwẹ ọkhọ ne ọ ra do sunu vbe egbe uwa.