Matiu 24:47 - Edo Bible (E Baibol Ẹdo) Version 1996

⁴⁷ Vbe ẹmwata, arowa ẹre gha ya ẹe ru ne ọ gbe aro ghe emwi ne ọ mwẹ hia.

Matiu 24:47 ပူးပေါင်းရင်းမြစ်များ

Itan 14:35

Ewọe ni sẹ ekpe ọ re ọ ya ẹko ọba rhiẹnrhiẹn; sokpan, te irẹn rri ọmwa ne ọ ma giee dunna oya.

Daniẹl 12:3

Iran ne ọkaolotu ni wan ni rrọọ ghi gha fi wainwain zẹ vbe iso. Avbe emwa ni vbe ma emwa re ne iran gha ru emwi ne ọ gbae, gha fi wainwain zẹ vbe avbe orhọnmwẹ ni rre iso.”

Matiu 24:46

U miẹn vbe ọ gha ma ne ọguọmwadia ni hẹẹ vbe arowa ẹre a do vba ighe ọ gele ru vberriọ!

Matiu 24:48

Sokpan, deghẹ ọguọmwadia dan nọ, rẹn ghi ye otọ ẹko ẹre kha wẹẹ, ‘Ọ gha kpee arowa mwẹ ke rre.’

Matiu 25:21

Arowa ẹre keghi tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na, I gha mu igho ne ọ kọnkọn nuẹn gha gbe aro ghe. La owa ne u do gunmwẹ ku obọ ye uwa.’

Matiu 25:23

Arowa ẹre tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na. Rhunmwuda ọnii, I gha mu igho ne ọ kpọlọ nuẹn gha gbe aro ghe, la owa ne u do gunmwẹ ku obọ ye uwa.’

Iyẹn ne ọ Maan Ọghe Luk 12:37

Ọ gha ma ne avbe eguọmwadia ni gbe vbe arowa iran aa do vba ighe iran ma vbiẹ, ighe iran re ọkhẹ. Ne I tama uwa, rẹn gha gba ukugba, ọ ghi wẹ ne iran tota, ọ ghi gho iran.

Iyẹn ne ọ Maan Ọghe Luk 12:44

Ne I wa ta ẹmwata ma uwa wẹẹ, arowa ẹre gha viọ emwi ẹnrẹn hia nẹẹn ne ọ gha gbe aro ghe ẹre.

Iyẹn ne ọ Maan Ọghe Luk 19:17

Rẹn keghi tama rẹn wẹẹ, ‘Ọbevbaru, ọguọmwadia esi ọre u khin. Vbene u ma na ru ero ye emwi nekherhe na, I gha mu ẹvbo igbe nuẹn ne u gha gbe aro ghe.’

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

II Timoti 2:12

Deghẹ ma ye zin egbe, ma gha vbe gu ẹe dakha. Deghẹ ma siẹn ọẹn, rẹn gha vbe siẹn mwa.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.