Matiu 24:43 - Edo Bible (E Baibol Ẹdo) Version 1996

⁴³ Wa yerre wẹẹ, akpawẹ ọdafẹn ne ọ yan owa rẹn ẹghẹ ne oyi gha ya rre, te ọ gha kọnvbe, ẹ i ghẹ gie oyi kpahiẹ la irẹn owa.

Matiu 24:43 ပူးပေါင်းရင်းမြစ်များ

Job 24:16

Asọn gha rre, oyi ghi gbe urho la owa, sokpan, ọ gha sẹ avan, iran ghi lẹre, iran ghi gha lẹ ne uwanmwẹ.

Itan 7:19

Ọdafẹn mwẹ i rre owa, ọ rrie okhian urria.

Matiu 14:25

Ọ ghi rre omwa ẹkpo ẹgogo eha ya sẹ ẹgogo enẹ vbe owiẹ, Jesu keghi nana uhunmwu amẹ bu iran gha dee.

Matiu 20:11

Iran ghi miẹn igho nẹ, iran keghi suẹn gha gui ẹzọ uwunu da ne ọ viọ iran ye iwinna wẹẹ,

Matiu 24:42

Rhunmwuda ọnii, wa gha ba odẹ rhunmwuda wa ma rẹn ẹdẹ ne Nọyan uwa gha rre.

Matiu 24:44

Rhunmwuda ọnii nian, wa khẹ ye egbe rhunmwuda Ovbi Ọmwa gha rre vbe ẹghẹ ne uwa ma ro wa ma kọọ.

Matiu 25:10

Avbe uvbi ne akpa ni keghi ladian ne iran ya dẹ ofigbọn. Ugbẹn vbe iran ghi ladian nẹ, ọdafẹn ọha keghi rre. Evbokhunvbi isẹn ni mu egbe ye otọ na lelẹe la ehe ne a na rri evbare irhiọha nii, a keghi khui urho.

Matiu 25:13

Jesu keghi gbẹe wanniẹn wẹẹ, “Rhunmwuda ọnii, wa gha ba egbe vbe ne uwa ma na rẹn ikpẹdẹ ra ẹghẹ ne ọ wa khin.

Iyẹn ne ọ Maan Ọghe Mak 13:35

Rhunmwuda ọnii, wa gha ba odẹ, rhunmwuda wa ma rẹn ẹghẹ ne ọdafẹn ne ọ yan owa gha ya rre, deghẹ ota nọ, ra ogiasọn, vbe ẹdẹ a gha wan, ra vbe ovẹn a yan rre nọ.

Iyẹn ne ọ Maan Ọghe Mak 6:48

Rẹn keghi miẹn wẹ okọ wa ba so avbe erhuanegbe ẹre na gua, rhunmwuda ne ẹhoho na bi iran ghe iyeke, rhunmwuda ọnii, ọ ghi rre ẹkpo ẹgogo eha kevbe ehan vbe owiẹ, ọ keghi gha ya owẹ nana uhunmwu amẹ bu iran de.

Iyẹn ne ọ Maan Ọghe Luk 12:38

Ọ gha ma ne iran gbe a deghẹ ọ rre vbe ogiasọn ra oghidian ọ na do vba ighe iran rre ọkhẹ.

Iyẹn ne ọ Maan Ọghe Luk 12:39

Wa ye rre o, akpawẹ ọdafẹn ne ọ yan owa rẹn ẹghẹ ne oyi gha ya rre, ẹ i ghẹ gie avbe oyi gbe urho la irẹn owa.

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Arhie Maan 16:15

“Wa danmwehọ, I dee zẹ vbe oyi, ọ maa ọre ọghe ọmwa ne ọ ma vbiẹ, ne ọ vbe dọlọ ukpọn ẹnrẹn yi, ne i ra ya irhunmwirhun la ẹvbo, ne ekhue i ra vbe mu vbe adesẹ ẹvbo.”

Arhie Maan 3:3

Rhunmwuda ọnii, ye emwi ne a ma ruẹn re rre, kevbe vbene uwẹ họẹn hẹ, ya ẹe gha ru emwi, ne u fiwerriẹ hin orukhọ ruẹ rre. A deghẹ u ma rhiọrre, I gha fan rhuẹ zẹ vbe oyi, u i ra vbe rẹn ẹghẹ ne I gha ya rre.