Matiu 24:39 - Edo Bible (E Baibol Ẹdo) Version 1996

³⁹ Iran ma rẹn enaye uromwẹ amẹ te do kpolo ehia gha rrie. Erriọ ọ gha ye vbe Ovbi Ọmwa a rre.

Matiu 24:39 ပူးပေါင်းရင်းမြစ်များ

Gẹnẹsis 7:23

Nọyaẹnmwa keghi fuẹn emwi ni ghi hiọnrọn ni rre otọ agbọn hia a, yasẹ egbe emwa nagbọn, emwirri, aranmwẹ kevbe avbe ahianmwẹ. Noa vbe iran ni lelẹe la uwe okọ ọkpa ọre a ghi sẹrae ne a ma fuan an.

Itan 23:35

U ghi do kha wẹẹ, “Te iran fi mwẹ emwi, te emwa eso koko gbe mwẹ, I ma ghi ye rre. Vbọzẹ ne I ma na sẹtin rhiọrre yi? I ye ho ne I da ayọn.”

Itan 24:12

U sẹtin kha wẹ ọ ma kan ruẹn, sokpan Osanobua rẹnrẹn, ọ vbe ghe ekhọe ruẹ. Ọ wa rhie aro lele uẹ, ọ rẹnrẹn, ọ gha vbe ha ẹre nuẹn zẹ vbene u vbe ru.

Itan 29:7

Ọmwa esi rẹn emwi ne ọ sẹ avbe ivbiogue egbe, sokpan, emwa dan i sẹtin rẹn otọ egbe emwi vberriọ.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Matiu 24:30

Ẹkpo ni ọre ama urremwẹ Ovbi Ọmwa gha na rhiegbe ma, vbe aro iso. Ẹghẹ ni, unu ne a zẹ hia ni rre otọ agbọn na, ghi gbe eve ua vbe iran a bẹghe vbe Ovbi Ọmwa a ya egbe ladian vbe odukhunmwu okuku ne ọ rre aro iso, ke irẹn kevbe ẹtin kevbe Uyi nọkhua.

Matiu 24:37

Te urremwẹ Ovbi Ọmwa ra ye vbe emwi ne ọ sunu vbe ẹghẹ ọghe Noa.

Matiu 24:40

Ẹdẹ ne ẹdẹrriọ, arhin eva ghi gha winna vbe ugbo, a gha rhie ọkpa, a ghi sẹ nọkpa rae.

Iyẹn ne ọ Maan Ọghe Luk 19:44

Iran gha gbe uẹ ogbefo, ke uwẹ kevbe emwa ni rre uwu odin ruẹn, okuta ọkpa ne a gha sẹ rae ye ihe ẹre ẹ i rrọọ. Rhunmwuda, u ma tie ẹre emwi ẹmwata vbe Osanobua do miẹn ruẹn fan.”

Iyẹn ne ọ Maan Ọghe Jọn 3:20

Uwanmwẹ i yẹ ọmwa ne ọ ru ọkhọ, ẹ i vbe ladian idagbo, rhunmwuda ẹ i ho ne agbọn rẹn ọkhọ ne irẹn ru.

Iwinna 13:41

“ ‘Ghe, wa ne ọkpọzua, wa gie ẹe yan uwa aro ua ne uwa wulo! Rhunmwuda iwinna ne I winna vbe ẹghẹ rua na keghi re emwi ne uwa i ra yayi, a gha rhe miẹn ne ọ rhan otọ ẹre ma uwa!’ ”

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

II Pita 3:5

Iran keghi ba yangbe ẹmwata na wẹ, vbe ẹghẹ ne ọ kpẹe fua, Osanobua guan rẹn, a keghi yi ẹrinmwi kevbe agbọn. Uwu amẹ ọre a ke rhie agbọn na ladian, amẹ ọre avbe ya ruẹe.

Giọgis 20:34

Arhin arriaisẹn igbe (10,000) ne a mobọ wa hannọ vbe ivbi Izrẹl keghi dekun Gibea, okuo keghi lọmwa. Ivbi e Bẹnjamin ma rẹn wẹ te a ra fuẹn iran an.