Matiu 24:30 - Edo Bible (E Baibol Ẹdo) Version 1996

³⁰ Ẹkpo ni ọre ama urremwẹ Ovbi Ọmwa gha na rhiegbe ma, vbe aro iso. Ẹghẹ ni, unu ne a zẹ hia ni rre otọ agbọn na, ghi gbe eve ua vbe iran a bẹghe vbe Ovbi Ọmwa a ya egbe ladian vbe odukhunmwu okuku ne ọ rre aro iso, ke irẹn kevbe ẹtin kevbe Uyi nọkhua.

Matiu 24:30 ပူးပေါင်းရင်းမြစ်များ

Daniẹl 7:13

Vbe uwu u mian na vbe asọn nii, I keghi bẹghe emwi ọkpa ne ọ yevbe ọmwa. Ọ kegha bu mwẹ dee, okuku amẹ wa lẹga ẹre, ọ keghi bu ọmwa ne ọ wa rrọọ dee ẹdẹdẹmwẹdẹ nii, a na rhie ẹre ma rẹn.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Zẹkaraia 12:11

Ọ gha sẹ ẹghẹ ne a kha na, akhiẹ ne ọ gha rre Jerusalẹm gha vba akhiẹ ne emwa khiẹ ne Hadadrimon vbe otọe Mẹgido.

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Matiu 24:37

Te urremwẹ Ovbi Ọmwa ra ye vbe emwi ne ọ sunu vbe ẹghẹ ọghe Noa.

Matiu 24:39

Iran ma rẹn enaye uromwẹ amẹ te do kpolo ehia gha rrie. Erriọ ọ gha ye vbe Ovbi Ọmwa a rre.

Matiu 26:64

Jesu wanniẹn wẹẹ, “Erriọ u tae, sokpan ne I tama uwa hia, ke ẹghẹ na kpao, wa gha miẹn Ovbi Ọmwa vbe ọ gha tota vbe obọ erha ọmwa Oghodua kevbe ọ gha dee vbe ikpakpa iso.”

Iyẹn ne ọ Maan Ọghe Mak 13:26

Ẹkpo nii Ovbi Ọmwa gha ye egbe ladian, ọ ghi ke ikpakpa iso gha dee ke irẹn kevbe ẹtin kevbe uyi.

Iyẹn ne ọ Maan Ọghe Mak 13:4

Iran nọ rẹn wẹẹ, “Tama ima ẹghẹ ne ọ gha ya sunu. de ama ne ọ gha rhie ma ighe te avbe emwi na ghi ra gha sunu.”

Iyẹn ne ọ Maan Ọghe Luk 21:27

Ẹkpo nii ọre Ovbi Ọmwa gha na ye gbe ladian, ọ ghi gha dee vbe ikpakpa iso, ke irẹn kevbe ẹtin kevbe uyi.

Iyẹn ne ọ Maan Ọghe Luk 22:69

Sokpan ke ẹghẹ na kpao, Ovbi Ọmwa gha tota vbe obọ erha ọmwa Osanobua ne Oghodua.”

Iwinna 1:11

Iran wẹẹ, “Ivbi e Galili, vbe uwa na mudia ye evba tan aro ye iso hẹ yi? Jesu na ne a tọn mu hin ehe ne uwa ye rre gha rrie ẹrinmwi, gha vbe werriegbe rre zẹ vbene uwa miẹn ọẹn vbe ọ rrie ẹrinmwi na.”

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.

Arhie Maan 12:1

Ama nọkhua ọkpa keghi rhie egbe maa vbe iso. Okhuo ọkpa kegha rre evba, owẹn ọrọre ukpọn ne ọ yọe, uki kegha rre ototọ owẹ ọre, ẹde ne orhọnmwẹ iweva ye kegha rre ọre uhunmwu.