Matiu 24:22 - Edo Bible (E Baibol Ẹdo) Version 1996

²² Sokpan Osanobua fian inu ẹdẹ ne ọ ra ya vbe otọ kanmwa nẹ. Akpawẹ ọ ma fian ẹdẹ ni kanmwa, orhiọnkpa ne ọ gha miẹn uhunmwu, ẹ i rrọọ. Sokpan Osanobua gha rhunmwuda iran ne ọ hannnọ zẹ fian ẹdẹ ni kanmwa.

Matiu 24:22 ပူးပေါင်းရင်းမြစ်များ

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Zẹkaraia 13:8

a gha wa ẹvbo nii ye ihe eha, obọ eva vbọ gha wulo vbọ vbe uwu emwa ni rrọọ.

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.

Matiu 22:14

Jesu keghi vbe wanniẹn wẹẹ, “Rhunmwuda, ni bun ọre a tiere sokpan ibozẹghe ọre a hannọ zẹ.”

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 24:31

Okpe nọkhua ghi tu, rẹn ghi gie avbe odibosa ẹre ladian gha rrie igie enenẹ agbọn. Iran ghi ya si e na hannọ zẹ ọghọe koko ke okhiẹ agbọn ọkpa ya sẹ nọkpa.

Iyẹn ne ọ Maan Ọghe Mak 13:20

Sokpan, e Nọyaẹnmwa fian avbe ẹdẹ nii kanmwa nẹ, adeghẹ ẹ i re erriọ, orhiọnkpa ne ọ gha miẹn uhunmwu ẹ i rrọọ, vbene ọ rhirhi a gha ye hẹẹ, rẹn fian avbe ẹdẹ ni kanmwa nẹ rhunmwuda emwa irẹn ne ọ hannọ zẹ.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Ebe ne Pọl gbẹẹn gie emwa Rom 9:11

Sokpan, ne a miẹn ehe na miẹn wẹẹ, ne a na zẹ ọkpa vbe uwu emọ nii ighẹ vbene Osanobua mwamwaẹn nọ, Osanobua keghi tama rẹn wẹẹ,

II Timoti 2:10

Ọna ọre ọ si ẹe, ne I na ya egbe miẹn emwi hia, rhunmwuda, emwa ne a hannọ zẹ ọghe Osanobua, ne imiẹnfan ne ọ rre uwu Jesu Kristi sẹtin vbe sẹ iran obọ, ke ẹe kevbe uyi etẹbitẹ.

I Pita 1:1

E Pita ne ukọ Jesu Kristi ọre ọ gbẹn ebe na gie emwa ne Osanobua hannọ zẹ ni ragha zẹ vbe emwa ne ọlọghọmwa ya lẹ hin owa rre, gba ikinkin ọghe Pọntus, Galatia, Kapadonia, Esia kevbe Bitinia.