Matiu 24:10 - Edo Bible (E Baibol Ẹdo) Version 1996

¹⁰ Emwa ni bun ọre ọ gha lahin iyayi rre vbe ẹghẹ ni. Iran ghi gha ye egbe dẹ, ẹko iran ghi gha khọ egbe.

Matiu 24:10 ပူးပေါင်းရင်းမြစ်များ

Matiu 10:21

“Emwa gha silo etẹn iran ladian ne a gbelua, erriọ ọre erha gha vbe ru emọ. Emọ gha mu aro da erha iran, iran ghi gbele iran an.

Matiu 11:6

Afiangbe ọre ọghe ọmwa ne ọ ma gbe ọkhọnmwẹ ọkhọnmwẹ vbekpa mwẹ.”

Matiu 13:21

Rhunmwuda ighẹ ọ ma dinmwi ye iran ekhọe, ẹ i tọ. Ukpokpo kevbe orueghe ghi rre rhunmwuda ẹmwẹ ni, iran keghi khuọn kua ọwarọkpa.

Matiu 13:57

Rhunmwuda ọnii, iran ma ghi rhan obọ miẹn rẹn, Jesu keghi tama iran wẹẹ, “A i miẹn akhasẹ ne ẹ i mwẹ uyi, sokpan a ma wẹ vbe ẹvbo ẹre kevbe uwu ẹbu emwa rẹn.”

Matiu 24:11

Ẹghẹ ni ọre akhasẹ ohoghe ni bun gha na ladian, iran ghi vbe rẹrẹ ọkhọngborrie re.

Iyẹn ne ọ Maan Ọghe Mak 13:12

Emwa ghi silo etẹn iran ne ikpia ladian ne agbelua, emọ gha kpe lele erha iran, iran ghi silo iran ladian ne agbelua.

Iyẹn ne ọ Maan Ọghe Mak 4:17

Sokpan ọ ma la iran ekhọe ẹse, ẹ i vbe tọ. Ugbẹn vbe orueghe kevbe ukpokpo ghi rre rhunmwuda ne ne ẹmwẹ, emwa na keghi wa zẹgiẹ kie werriegbe.

Iyẹn ne ọ Maan Ọghe Luk 21:16

Avbe evbibiẹ uwa kevbe etẹn ne ikpia, ẹgbẹe kevbe avbe ọse uwa, gha silo uwa ladian, iran gha gbele eso ua vbe uwu uwa.

II Timoti 1:15

Deghẹ u rẹnrẹn ighẹ emwa hia ni rre ikinkin Esia lẹ sẹ mwẹ rae nẹ, uwu iran ọre ọ ye ighẹ Figelus kevbe Hẹmogẹnẹs.

II Timoti 4:10

Rhunmwuda agbọn na rhiẹnrhiẹn mu e Demas ukpẹ nẹ, ọ kpao sẹ mwẹ rae, ọ kpao gha rrie Tesalonaika, e Kresens rrie Galatia, e Taitọs rrie Dalmatia.

II Timoti 4:16

Ẹghẹ ne I na ya gui ẹzọ mwẹ vbe okaro, orhunmwu ọkpa ne ọ lele mwẹ yo ẹ i rrọọ, ehia keghi lẹ sẹ mwẹ rae. Osanobua ne ọ lahọ ne oghẹ kae ye iran owẹ.