Matiu 24:1 - Edo Bible (E Baibol Ẹdo) Version 1996

¹ Jesu keghi kpaegbe, vbene ọ wa ladian vbe Ọgua Osa, avbe erhuanegbe keghi do gha rhie vbene a bọ Ọgua Osa hẹ ma rẹn.

Matiu 24:1 ပူးပေါင်းရင်းမြစ်များ

Jerimaia 51:61

I keghi tama Seraia wẹẹ, “U gha sẹ e Babilọn, ghẹ mwẹ u ma tie emwi ne a gbẹnnẹ ye emwa na ladian ma avbe emwa nii. Iyeke ọnii, u ghi na erhunmwu wẹẹ,

Jerimaia 6:8

Ivbi e Jerusalẹm, wa gie avbe ọlọghọmwa na gha bu uwa ude, ne I ghẹ ya he uwa yotọ, I ghi ya ore ẹvbo rua khian ato, ehe ne ọmwarhọkpa i yin.”

Ezikiẹl 8:6

Osanobua keghi tama mwẹ wẹẹ, “Ovbi ọmwa, a deghẹ u miẹn emwi ne ọ sunu? Ghe emwi ni hu ọmwa ẹko ne ivbi Izrẹl ru vbe emwa na, iran wa dọlegbe khu mwẹ khian rrei vbe ehe nọhuanrẹn mwẹ. U gha ye miẹn emwi ni ru ọghe emwiekhue sẹ ọna.”

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Matiu 21:23

Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Matiu 23:39

Ne I tama ruẹn nian, ke ẹghẹ na gha rae, u i ghi ra miẹn mwẹ ọvbehe rhinrin u te do kha wẹẹ, ‘Afiangbe Osanobua nọ ne ọmwa ne ọ dee vbe eni Nọyaẹnmwa.’ ”

Iyẹn ne ọ Maan Ọghe Jọn 2:20

Iran wanniẹn wẹẹ, “Ikpẹdẹ eha ọre u wẹ u gha ya dọlọ ẹe bọ? Ukpo enẹirrọ vbe ekigbe siyeha, ọre a ya bọ Ọgua Osa na.”