Matiu 23:5 - Edo Bible (E Baibol Ẹdo) Version 1996

⁵ Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Matiu 23:5 ပူးပေါင်းရင်းမြစ်များ

II Ọba 10:16

Ọ tama rẹn wẹẹ, “Lele mwẹ gha dee ne u do tobọọ ye aro miẹn ọẹn vbene I ga e Nọyaẹnmwa hẹ.” Iran keghi gba hin gha rrie Sameria.

Ẹksọdọs 13:9

Iruemwi na ghi yevbe ama ne u vin ye obọ ra emwi ayere vbe uharo ruẹ ne ọ gha ye ruẹ rre ne u miẹn ehe na gha ta ẹmwẹ uhi e Nọyaẹnmwa rhunmwuda ẹtin nọkhua ọre Nọyaẹnmwa ya rhie ruẹ hin otọ Igipt rre.

Itan 3:3

Ghẹ rhie obọ hin agba ẹko ọmwa kevbe ekhọe esi rre, viọ iran kinnọ urhu, gbẹnnẹ iran ye ekhọe ruẹ.

Levitikọs 13:32

Ohẹn ghi do dọlegbe ghe ẹtẹ nii vbe ikpẹdẹ ne ogihinrọn, a deghẹ ọ ma vẹ, eto ni vboro i vbe rrọọ, ọ ma vbe gbe rrie sẹ ikpakpa egbe ni lẹga ẹre,

Matiu 9:20

Okhuo ọkpa keghi rre evba ne ọ he ya ukpo iweva khuọnmwi emianmwẹ esagiẹn ne ọ tue, ọ keghi la odieke sikẹ Jesu, ọ na ya obọ kan ehọ ukpọn rẹn.

Iyẹn ne ọ Maan Ọghe Luk 16:15

Jesu keghi khama iran wẹẹ, “Wa na ọre ọ rhie egbe ma emwa ne agbọn zẹ vbe emwata, sokpan Osanobua rẹn ekhọe uwa. Rhunmwuda, emwi ne emwa ne agbọn ghe gẹdẹgbẹ, ọ ma sẹ emwi rhọkpa vbe odaro Osanobua.

Iyẹn ne ọ Maan Ọghe Luk 20:47

Iran ni miẹn ehe na la avbe ẹgbẹ egbe, iran keghi gbe iran miẹn iran owa iran, iran ghi gha na erhunmwu ne ọ taẹn ọghe ne a ba bẹghe mwẹ. Iran ọre a ra rri ọre oya ne ọ sẹ re vbe ehia.”

Iyẹn ne ọ Maan Ọghe Jọn 12:43

Rhunmwuda utianmwẹ emwa ne agbọn ọre ọ yẹ iran sẹ utianmwẹ Osanobua.

Iyẹn ne ọ Maan Ọghe Jọn 5:44

Wa ho ne uwa tobọ uwa gha tian egbe uwa, wa ma ho ne a miẹn ighẹ Osanobua ọkpa kẹkan ne ọ rrọọ ọre ọ tian uwa, vbe uwa a ghi ra na sẹtin yayi hẹẹ?

Iyẹn ne ọ Maan Ọghe Jọn 7:18

Ọmwa ne ọ zẹ ẹmwẹ obọ ẹre ta, uyi egbe ẹre ọ gualọ. Sokpan ọmwa ne ọ ho uyi ọmwa ne ọ gie ẹe ghi gha yin uyinmwẹ ne ọ diae, ẹ i ru ero.

Diuteronomi 11:18

“Wa ye avbe uhi na vuọn ekhọe kevbe orhiọn uwa, wa de ẹre ye ekuabọ uwa, ne uwa vbe gbae ye uharo ne uwa ya gha ye rre.

Diuteronomi 22:12

“U ghi sele oko ebe uhi lele igie enenẹ ọ ghẹ ẹwu ruẹ.

Diuteronomi 6:8

Gbalọ ẹe ginna obọ, u ghi vbe dele ẹe ye uharo ruẹ ne u ya gha ye ẹre rre,

Filipai 1:15

Ọ rhe ye rriọ, eso vbọ kpe orhu Kristi rhunmwuda oya ọmwa da ọmwa kevbe ẹmwẹ ne a ru, sokpan eso wa ya ẹkoata kpe orhu.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!