Matiu 23:3 - Edo Bible (E Baibol Ẹdo) Version 1996

³ Rhunmwuda ọnii, wa gha ru zẹ vbene iran ma uwa ẹre hia, sokpan wa ghẹ ye egbe ta uyimwẹ iran rhunmwuda, iran i ru emwi ne iran ta.

Matiu 23:3 ပူးပေါင်းရင်းမြစ်များ

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Ẹksọdọs 18:23

U gha ru ẹe vbe nian vbene Osanobua yi ẹre iyi, u i khian wiẹn egbe ruẹ ya, a ghi vbe bu ohiẹn iran na hia iran te gha rrie.”

Matiu 21:30

Erha iran keghi vbe ya tama nọkpa vberriọ zẹẹ. Rẹn keghi wanniẹn wẹẹ, ‘I họn ẹn evbavba.’ Sokpan ọ ma yo.

Matiu 23:2

“Iran ni ma emwa Uhi kevbe avbe Farisi ọre a rẹn ye ni rhan otọ uhi e Mosis.

Matiu 23:4

Iran ghi kun ihẹ ne ọ khuaa mu yan emwa uhunmwu sokpan ukpẹ ihen obọ iran ọkpa i dekan ihẹ nii ne iran ya kpa emwa ihẹ.

Iwinna 5:29

Pita kevbe avbe ukọ nekpa wanniẹn wẹẹ, “Ne Osa khare ọre ima ra ya ru emwi ighẹ ẹ i re ne emwi ne agbọn khare.

Ebe ne Pọl gbẹẹn gie emwa Rom 13:1

Ọ kere ne emwa hia gha họn ẹmwẹ ne avbe ukọ ẹvbo, rhunmwuda asẹ ọkpa i sẹtin gha rrọọ vbe ẹ i re te Osanobua ye obọ yọ, avbe emwa ni rre asẹ hia, Osanobua ọre ọ viọ iran ye evba.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Diuteronomi 5:27

Dọlegbe gha khian e Mosis, ne u danmwẹ ehọ ẹmwẹ hia ne Nọyaẹnmwa Osanobua mwa gha ta. U ghi dọlegbe bu mwa gha dee do tama mwa, ma gha danmwehọ ne a vbe ya ẹe gha ru emwi.’

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.