Matiu 23:22 - Edo Bible (E Baibol Ẹdo) Version 1996

²² Ọmwa gha ya ẹrinmwi vẹn ihẹn, ẹkete Osanobua kevbe ọmwa ne ọ tota yọ, ọre ọ ya vẹn ihẹn.

Matiu 23:22 ပူးပေါင်းရင်းမြစ်များ

Psalm 11:4

E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Matiu 5:34

Sokpan mẹ tama uwa nian, ghẹ vin ihen hiehiere. Ghẹ ya ẹrinmwi vin ihen rhunmwuda ẹkete Osanobua nọ.

Iwinna 7:49

“ ‘Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. Vbe ọ khun owa ne uwa ra bọ mẹ yi? De ehe ne I na hẹwẹ yi?