Matiu 23:18 - Edo Bible (E Baibol Ẹdo) Version 1996

¹⁸ Wa vbe kha wẹẹ, ‘A gha ya Ogiukpo vẹn ihẹn, ẹ i mwẹ esa, sokpan, a gha ya emwi imuohan ni rre Ogiukpo vẹn ihẹn, emwi rre ọmwa ni urhu.’

Matiu 23:18 ပူးပေါင်းရင်းမြစ်များ

II Krọnikol 6:22

“A gha ba ọmwa ifi ẹzọ wẹ ọ ru ọmwa ọvbehe emwi ne ọ ma kei, a na mu ẹẹn gha die odaro Ogiukpo vbe Ọgua Osa ruẹ, ne ọ do vẹn ihẹn wẹ rẹn ma rẹn ọkpa, rẹn ma rẹn eva.

Nọmbas 30:2

Ọmwa gha ve emwi wẹ rẹn gha rhie emwi ne Nọyaẹnmwa, ra te ọ vẹn ihẹn wẹ rẹn gha zobọ vbe emwi eso, ọ ghẹ rhie obọ gberra eyan ne ọ yan rẹn nii, sokpan ọ ghi ru emwi hia vbene ọ kha re wẹ rẹn ra gha ru.

Matiu 23:16

“U miẹn agbọn ne uwa ye arọndẹ ni rhu aro, wa khare wẹẹ, ‘Ọmwa gha ye Ọgua Osa vẹn ihẹn, emwi rhọkpa i rrọ ẹre urhu sokpan deghẹ ọ ye igoru ne ọ rre Ọgua Osa vẹn ihẹn, emwi rre ọre urhu.’

Matiu 23:17

Wa ne akpa vbe abobo! De ne ọkpọlọ sẹ, igoru ra Ọgua Osa ne ọ ya igoru khian ne ọ huanrẹn?

Matiu 23:19

Wa ma miẹn vbe ne uwa rhu aro hẹ. De ne ọ kpọlọ sẹẹ, emwi imuohan, ra Ogiukpo ne ọ ya emwi imuohan khian ni huanrẹn?

Iyẹn ne ọ Maan Ọghe Mak 7:11

Wa ghi ra kha, wa wẹẹ, ‘Deghẹ ọmwa mwẹ emwi ne ọ gha te ya ye erha ẹe ra iye ẹe obọ, ọ na ghi kẹ ọre ya kha nẹ wẹ, Kọban nọ’ (emwi ne a ya ọnii kha ọrọre, a yae fi ohan ne Osanobua.)

Galatia 5:3

I ho ne I tua unu mu ẹmwẹ na, ne I vbe dọlegbe ta ẹe ma ọmwa ne ọ kue ne a rhuẹ ọre, te ọ khẹ ke ẹe ne ọ wa gha ru emwi hia ne nene Uhi khare.