Matiu 23:14 - Edo Bible (E Baibol Ẹdo) Version 1996

¹⁴ “U miẹn agbọn ne uwa ye, eni ma emwa Uhi kevbe Farisi, ayunukpaegbe! Wa miẹn ehe na la avbe ẹgbẹ egbe, wa do iran emwi hia viọ fo, wa keghi gha na erhunmwu ne ọ taẹn ọ ghe ne a ba bẹghe mwẹ. Ena ọre a gha rhunmwuda ẹre rria uwa ikhi sayọ.]

Matiu 23:14 ပူးပေါင်းရင်းမြစ်များ

Job 22:9

Ẹ i re u ma ru iyobọ ne avbe ẹgbẹ ọkpa, sokpan deba ọnii, u keghi do avbe emọ ne ẹ i mwẹ erha emwi hẹ, u na gha ru iran khọ.

Job 31:16

“I ma he he ẹdẹ ne I ru iyobọ ne ovbiogue, I ma he giẹ agbọn khan avbe ẹgbẹ ẹdẹ,

Ẹksọdọs 22:22

Wa ghẹ ru ọmọ ne ẹ i mwẹ erha ra ẹgbẹ khọ.

Matiu 11:24

Ne I guẹ rẹn nian wẹẹ, ọ gha sẹ Ẹdẹ Ibuohiẹn, Osanobua gha tohan Sọdom sẹ ruẹ.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 23:33

Wa ne ẹyẹn, wa ne ivbi ẹyẹn, vbọzẹ ne uwa na te ro yi ighẹ wa gha miẹn uhunmwu vbe obọ abe ẹrinmwi ne ehianmwẹ ivin?

Iyẹn ne ọ Maan Ọghe Mak 12:40

Iran miẹn ehe na la avbe ẹgbẹ egbe, iran ghi khiẹn iran obọ miẹn iran owa iran, iran ghi do gha na erhunmwu ne ọ taẹn ọghe ne a ba bẹghe mwẹ. Te oya ne a ra rri iran ẹre yae khọrhiọn yọ!”

Iyẹn ne ọ Maan Ọghe Luk 12:48

Sokpan ọguọmwadia ne ọ ma rẹn emwi ne arowa ẹre ho, ne ọ vbe ru emwi ne ọ kere ne a gbẹe asan yi, asan kherhe ọre a ra gbe ẹre re. Ọmwa ne a viọ ni bun na ọre a ye aro ye enibun vbe obọ ẹre, ọmwa ne a viọ ni bun sẹ na, a gha vbe ye aro ye ni bun sẹ vbe ohọ ẹre.

Iyẹn ne ọ Maan Ọghe Luk 20:47

Iran ni miẹn ehe na la avbe ẹgbẹ egbe, iran keghi gbe iran miẹn iran owa iran, iran ghi gha na erhunmwu ne ọ taẹn ọghe ne a ba bẹghe mwẹ. Iran ọre a ra rri ọre oya ne ọ sẹ re vbe ehia.”

II Timoti 3:6

Eso vbe uwu iran ghi gha la owa, iran ghi ya gha lo iran vbene ọ khọn iran, ighẹ avbe ikhuo ne emitan, ne abe oghẹ orukhọ ne iran ru, yẹnyẹn ginna otọ, kevbe ne aho ughughan khu khian,

Taitọs 1:10

Rhunmwuda emwa ni bun ọre ọ sọtẹ, iran ghi vbe gha ya ẹmwẹ nọ ma khian rẹn iran, rẹrẹ emwa ọvbehe, kpataki iran ne a fi ẹre ekhọe werriẹ hin ugamwẹ avbe Ju nẹdẹ rre.

Jems 3:1

Etẹn mwẹ, ọ ma kei ne ima hia wa gha re emamwaemwi, rhunmwuda, wa rẹnrẹn ighẹ, ma ne emamwaemwi ọre a ra ya obọ ne ọ tọn mu sẹẹ emwa ọvbehe vbe a gha bu ohiẹn.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.