Matiu 23:13 - Edo Bible (E Baibol Ẹdo) Version 1996

¹³ “U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 23:13 ပူးပေါင်းရင်းမြစ်များ

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Zẹkaraia 11:17

Ọghọe fo nẹ ighẹ ọsuohuan ne ọmwa oya nii. Ọ he oghẹn ohuan rẹn ye otọ nẹ. Okuo ọ re ọ ra fuẹn ẹtin ẹnrẹn uan fẹẹrẹ. Obọ ẹre gha luẹluẹ, aro obọ erha ọmwa rẹn gha rhu.”

Matiu 23:16

“U miẹn agbọn ne uwa ye arọndẹ ni rhu aro, wa khare wẹẹ, ‘Ọmwa gha ye Ọgua Osa vẹn ihẹn, emwi rhọkpa i rrọ ẹre urhu sokpan deghẹ ọ ye igoru ne ọ rre Ọgua Osa vẹn ihẹn, emwi rre ọre urhu.’

Matiu 23:23

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi zẹ a ghae ye ihe igbe ebe uwọnmwẹ ne giẹrẹ hia, vbe ne avbe akpọkọ, ihiehie kevbe ebe aranmwọkhọ ye, vberriọ, wa sẹ emwi kpataki ni rre uwu Uhi rae, zẹ vbe a i bu eku, itohan, kevbe ne a i na sẹ ni dekẹe rae.

Matiu 23:25

“U miẹn agbọn ne uwa ye enimaemwa Uhi kevbe Farisi ayunukpaegbe! Wa ghi kpe iyeke ukpu kevbe ọkpan uwa huan, vberriọ emwi ne uwa ye iwo vbe egbe aro kevbe arovbẹmwẹ miẹn emwa re ọre ọ vuọn uwa ẹre.

Matiu 23:27

“U miẹn agbọn ne uwa ye, enimaemwa Uhi kevbe Farisi, ayunukpaegbe! Wa ye vbe idin ne a ye orhue dọlọ, ne odukhunmwu ẹnrẹn ye mose mose, sokpan uwu ẹre vuọn ne ugboloko orinmwi kevbe osọnnọ ẹwia.

Matiu 23:29

“U miẹn agbọn ne uwa ye enimaemwa Uhi kevbe Farisi, ayunukpaegbe. Wa mannọ idin avbe akhasẹ mose mose, wa keghi te idin ne a mannọ ne iran ne eni yin ẹse egbe.

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Iyẹn ne ọ Maan Ọghe Luk 11:52

“Ọ sẹ uwa, wa ni ma emwa Uhi! Wa rhie isanhẹn urho irẹnmwi mwẹ, wa tobọ uwa ma la owa, wa ma gie ne ọ ho ne ọ la owa, la owa.”

Iyẹn ne ọ Maan Ọghe Jọn 9:22

Avbe evbibiẹ ọe kha vberriọ rhunmwuda ighe ohan avbe Ju mu iran, rhunmwuda avbe Ju wa tae nẹ wẹẹ deghẹ ọmwaikọmwa tae ladian ighe Jesu ọrọre nene Mẹzaia, iran gha khu ẹe hin Ọgua ediọn rre.

Iyẹn ne ọ Maan Ọghe Jọn 9:24

Iran keghi dọlegbe tie ọmwa na biẹ ọre arhuaro ni ukpogieva, iran tama rẹn wẹẹ, “Yan vbe odaro Osanobua ighe ẹmwata ọre u khian ta. Ma rẹnrẹn ighe ọmwa orukhọ ọre oko na khin.”

Iyẹn ne ọ Maan Ọghe Jọn 9:34

Iran wanniẹn tama rẹn wẹẹ, “Wẹ ne a biẹe ne avbe koko wan vbe uwu orukhọ, wẹ ọre ọ ghi ra vbe gha ma ima emwi ra?” Iran keghi suare hin Ọgua ediọn rre.

Iwinna 13:8

Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre.

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

II Timoti 3:8

Zẹ vbene Janis kevbe Jambres gha gbe odan ghe Mosis, erriọ emwa na gbe odan ghẹ ẹmwata, emwa na, ekhọe iran i ghi winna, iran keghi vbe gbe akuọkan vbe iyayi.

II Timoti 4:15

Wẹ tobọ ruẹ ghi vbe rhuanegbe vbe egbe ẹre, rhunmwuda, ọkpankpan ọre ọ ya ye ọmwa egbe ba ẹmwẹ ikporhu na.