Matiu 23:12 - Edo Bible (E Baibol Ẹdo) Version 1996

¹² Ọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.

Matiu 23:12 ပူးပေါင်းရင်းမြစ်များ

Job 22:29

Osanobua si ọmwa itengbemu gbe otọ ọ keghi miẹn ne ọ mu egbe rriotọ fan.

Psalm 138:6

A gha rhe miẹn wẹẹ ehe ne u ye vbe odukhunmwu yo ẹsẹse, te u ye zẹ ye avbe emwa ne a ma rẹn re, iran ni tọn egbe mu i vbe sẹtin lẹre ne uẹn.

Itan 15:33

Ọghọ ne a rhie ne Nọyaẹnmwa iruẹmwi ọ re wa vbe nọ ọghe obọ ẹre. Te uwẹ gha mwẹ amu egbe rriotọ a te miẹn wẹ uyi do gha rruẹ egbe.

Itan 29:23

Te itengbemu mu ọmwa gbe otọ, sokpan, u gha re ọmwa ne ọ mu egbe rriotọ, a ghi gha yọghọ nuẹn.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Matiu 18:4

Ọmwa ne ọ mu egbe ẹre rriotọ ọ na do gha ye vbe ọvbokhan na, ọrọre ne ọ kpọlọ sẹ vbe Arriọba ẹrinmwi.

Matiu 5:3

“Ọ maa ne iran ni rẹnrẹn ighe ivbiogue iran khin vbe orhiọn, iran ọre ọ yan Arriọba ẹrinmwi!

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

I Pita 5:6

Rhunmwuda ọnii nian, gha mu egbe rri otọ vbe odaro obọ ẹtin nọkhua ọghe Osanobua, ne irẹn miẹn ehe na tọn ọn mu vbe ẹghẹ ne ọ keyi vbe aro ẹre.