Matiu 22:8 - Edo Bible (E Baibol Ẹdo) Version 1996

⁸ Ọ keghi tie avbe eguọmwadia ẹre, ọ tama iran wẹẹ, ‘A le evbare irhiọha mwẹ nẹ, sokpan emwa oya iran na a te tie do rri evbare wa khin.

Matiu 22:8 ပူးပေါင်းရင်းမြစ်များ

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Matiu 22:9

Rhunmwuda ọnii, wa la ore, wa ya tie inu emwa ne uwa miẹn rre.’

Matiu 9:15

Jesu wanniẹn tama iran wẹẹ, “Wa yayi ighe ọ kere ne emwa ne a tie do rri evbare irhiọha gha khiẹ vbe ọdafẹn ọha rre evba ra? Hiehie re! Sokpan ẹghẹ dee ne a gha na rhie ọdafẹn ọha hin ehe ne iran ye rre, ẹghẹ ni, iran sẹtin gha ya ohanmwẹ rrie egbe.

Iyẹn ne ọ Maan Ọghe Luk 20:35

Sokpan avbe ikpia kevbe ikhuo ne ọ kere ne a huẹn kpaegbe vbe agbọn ne ọ dee, iran i ru orọnmwẹ.

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

II Tẹsalonaika 1:5

Emwi ne a ya rẹn ighẹ ohiẹn ẹmwata ọre Osanobua bu ọna khin, rhunmwuda wẹ, la ekpa emwi na hia rre, wa ghi do khian emwa ni kei ye Arriọba ẹre ne uwa rri oya ba.

Arhie Maan 22:14

Ọ maa ne iran ni họ ẹmwẹ iran huan sẹrriọ ne iran ghi na mwẹ ẹtin, ne iran gha ya re vbe ọmọ ne erhan ẹfe ni mọẹn, kevbe ne iran vbe la onurho la ẹvbo nii.

Arhie Maan 3:4

Sokpan ihozẹghẹ eso rre uwu uwa vbe Sadis ni ma ya iruẹn ye ukpọn iran. Wa gha lele mwẹ khian, a ghi yọ uwa ẹwu nọfua rhunmwuda wa sẹe ne ọ gha ru vberriọ.