Matiu 22:4 - Edo Bible (E Baibol Ẹdo) Version 1996

⁴ Ọ keghi vbe gie eguọmwadia ọvbehe ya khama iran wẹẹ, ‘A le evbare nẹ, avbe ẹmila abẹgbe ne a ware, ọre a ya le ẹe, a wa mwamwa emwi hia ye otọ nẹ. Wa gha dee do rri evbare irhiọha’,

Matiu 22:4 ပူးပေါင်းရင်းမြစ်များ

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Itan 15:17

A hẹko gu emwa ne a ho ẹmwẹ ọnrẹn la lọ uwọnmwẹ ọ re ọ maa sẹẹ ne a ya gu ọmwa ne ẹko ọmwa i maa rri emiowo ne ọ maa sẹẹ.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Matiu 21:36

Okpia na keghi dọlegbe gie eviẹn ni bun sẹ ne ọ ka gie bu iran. Iran keghi wa vbe ru iran vberriọ zẹẹ.

Matiu 22:5

sokpan a ma miẹn ne ọ zẹ ye ọre hiehie, edọmwadẹ ọghọe na wa gha ru ọghọe khian, eso la odẹ ugbo, eso la odẹ ẹki.

Matiu 22:8

Ọ keghi tie avbe eguọmwadia ẹre, ọ tama iran wẹẹ, ‘A le evbare irhiọha mwẹ nẹ, sokpan emwa oya iran na a te tie do rri evbare wa khin.

Iyẹn ne ọ Maan Ọghe Luk 14:17

Ọ ghi sẹ ẹghẹ ne a ya rri evbare, ọ gie ne a khama iran ne ọ tiere wẹẹ, ‘Wa gha dee ighe a mu egbe nẹ.’

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!