Matiu 22:29 - Edo Bible (E Baibol Ẹdo) Version 1996

²⁹ Jesu keghi tama iran wẹẹ, “Wa wa bae ku rhunmwuda ighe wa ma rẹn otọe Ebe nii, ra ẹtin Osanobua.

Matiu 22:29 ပူးပေါင်းရင်းမြစ်များ

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Matiu 22:28

Ẹn hẹn, ọ gha ghi sẹ ẹdẹ arhiọkpaegbe, de amwẹ ọmwa ne irẹn ghaa khin! Iran hia ọre ọ wa rọnmwẹ ọẹn gba obọ.”

Iyẹn ne ọ Maan Ọghe Mak 12:24

Jesu wanniẹn tama iran wẹẹ, “U ma miẹn vbe uwa ba odẹ ku hẹẹ! Emwi ne ọ si ẹe ye uwa egbe ọrọre wẹ wa ma rẹn otọ Ebe nii ra ẹtin Osanobua.

Iyẹn ne ọ Maan Ọghe Luk 1:37

Rhunmwuda emwi ọkpa i rrọọ ne ẹ i gie Osanobua ru.”

Iyẹn ne ọ Maan Ọghe Jọn 20:9

(Iran ma he ye rẹn otọ ebe ne ọ huanrẹn ne ọ khare wẹ ẹ i mwẹ a ma huẹn ọnrẹn kpaegbe vbe idin.)

Iwinna 26:8

Vbe ọ zẹ yi ne uwa ne Ju ma na sẹtin yayi ighẹ Osanobua huẹn avbe orinmwi kpaegbe?

Ebe ne Pọl gbẹẹn gie emwa Rom 15:4

Rhunmwuda emwi hia ne a gbẹn ye nene Ebe, te a gbẹn ọẹn ne a ya ma ima emwi, ne ima sẹtin la ekpa izinebe kevbe ẹtin ne Ebe rhie ye ọmwa iwu, gha mwẹ idaehọ.

I Kọrinti 15:34

Wa dọlegbe rhie ẹwaẹn ye uhunmwu, ne uwa zobọ vbe orukhọ ne uwa ru. Te I ta ẹmwẹ na ne emwi ekhue uwa, eso vbe uwu uwa ma rẹn Osanobua.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.