Matiu 22:24 - Edo Bible (E Baibol Ẹdo) Version 1996

²⁴ Iran nọ rẹn wẹẹ, “Ọmamwaemwi, Mosis ma ima ẹre wẹẹ, ‘Deghẹ ọ ma he kẹ ọmwa ya biẹ ọ ke wu, ne ọtẹn ọnrẹn si amwẹ ọnrẹn ẹgbẹ, ne ọ miẹn ehe na biẹ ne ọmwa ne ọ wu nii.’

Matiu 22:24 ပူးပေါင်းရင်းမြစ်များ

Gẹnẹsis 38:11

Ẹre Juda ghi na khama Tama ne amwẹ ovbi ẹre wẹẹ, “Werriegbe gha rrie owa erha zẹ vbe okhuo ne ọ dẹgbẹ, e Siẹla ne ovbi mwẹ te wanrre.” Emwi ne ọ yae kha vberriọ ọrọre wẹ afianma fian ẹn wẹ a gha vbe gbe Siẹla rua zẹ vbene a gbele etiọnrẹn nikpia, ẹre Tama na werriegbe gha rrie owa erhae.

Gẹnẹsis 38:8

Rhunmwuda ọnii, e Juda keghi tama ọtẹn Eri ighẹ Onan wẹẹ, “Ya gu amwẹ ne ọtuẹn wu sẹrae ruemwi. Ru e nọ khẹkuẹ vbọ, zẹ vbe ọtẹn ọdọ, ne ọtuẹn sẹtin gha mwẹ ivbi urho.”

Matiu 22:16

Iran keghi rhunmwuda ọnii gie eso vbe uwu avbe erhuanegbe iran ba avbe igbesa Hẹrọd bu Jesu gha khian. Iran tama rẹn wẹẹ, “Ọmwa ẹmwata ọre ima rẹn ruẹn yi, ẹmwata ne ọ rre vbene Osanobua mu ẹmwẹ ẹdẹ agbọn emwa ne agbọn yi, ọre u ma emwa re, vbe ne u i na vbe lele ne agbọn khare, rhunmwuda ighe osi ẹrrẹe ọghe ukpo ne ọmwa ye, ẹ i si ọ.

Matiu 22:25

Vbe ẹghẹ ọkpa, etẹn ikpia ihinrọn kegha rrọọ. Ne ọdiọn ne ọ rrọọ keghi rhie okhuo, ọ keghi wu vbe ọ ma he kẹ ọre biẹ, ọtẹn ọnrẹn keghi si amwẹ ọnrẹn ẹgbẹ.

Matiu 22:36

“Ọmaemwaemwi, de ne ọre iyi nọ ghi wa kpọlọ sẹẹ vbe usun avbe Uhi hia?”

Matiu 7:21

“Ẹ i re emwa hia ni tie mwẹ ‘Nọyaẹnmwa, Nọyaẹnmwa’ ọre ọ gha la Arriọba Osanobua, sokpan emwa ni ru iho erha mwẹ ne ọ rre ẹrinmwi.

Iyẹn ne ọ Maan Ọghe Mak 12:19

Iran nọ rẹn wẹẹ, “Ọmamwaemwi, Mosis ọre ọ mu uhi na gbọọ ne ima wẹẹ, ‘Orhiọnkpa gha wu sẹ amwẹ ọnrẹn rae vbe ọ ma he biẹ nẹ ẹn, ọtiọnrẹn ne okpia ghi si okhuo ni ẹghẹ ne iran miẹn ehe na biẹ ne okpia ne ọ wu ni!’

Iyẹn ne ọ Maan Ọghe Luk 20:28

“Ọmamwaemwi. Mosis ọre ọ gbẹn ọẹn ye otọ ne ima wẹẹ, ‘Adeghẹ okpia wu sẹ amwẹ rae vbe ọ ma he kẹ ọre biẹ, ne ọtiọnrẹn si okhuo ni ẹgbẹ ne iran miẹn ehe na biẹ ne ne ọ wu ni.’

Iyẹn ne ọ Maan Ọghe Luk 20:33

Ẹn hẹn, ọ gha sẹ ẹdẹ ne iran ni wulo gha dọlegbe rhiọrre, de amwẹ ọmwa ne ọ ghẹ ghi gha khin? Iran ihinrọn nii ka rọnmwẹ ọẹn gba obọ nẹ!”

Iyẹn ne ọ Maan Ọghe Luk 6:46

“Vbọzẹ ne uwa na tie mwẹ, ‘Nọyaẹnmwa, Nọyaẹnmwa’ ugbẹn vbe uwa i ru vbene I wẹ ne uwa gha ru?

Ebe Rut 1:11

E Naomi keghi wanniẹn wẹẹ, “Ivbi mwẹ ni ikhuo, wa werriegbe. Vbọzẹ ne uwa na ho ne uwa lele mwẹ gha dee yi? Mẹ gha ye sẹtin biẹlẹ emọ ikpia ne uwa rọnmwẹ ra?

Ebe Rut 3:13

Gha rre emwa ẹdẹ te gbe, ọ gha ghi sẹ owiẹ, ma gha ya nọ adeghẹ ọmwa nii gha gbe aro ghe ruẹ, ọ gha ye rriọ ọ maa, a deghẹ ọ ma ghi vbe gha yerriọ, I ye Osanobua nọ rrọọ vẹn ihẹn wẹ, I gha mudia ye emwi hia. Banbanna nian, ya lovbiẹ.

Ebe Rut 4:5

Ẹre Boaz na tama ọmwa nii wẹẹ, “U gha gu e Naomi dẹ ugbo nii, e Rut ne ovbi Moab ne ọ dẹgbẹ ghi vbe khian amwọn ọn. Ne ugbo nii ghẹ miẹn ehe na lahin ẹgbẹe ọmwa ne ọ wu nii rre.”