Matiu 22:16 - Edo Bible (E Baibol Ẹdo) Version 1996

¹⁶ Iran keghi rhunmwuda ọnii gie eso vbe uwu avbe erhuanegbe iran ba avbe igbesa Hẹrọd bu Jesu gha khian. Iran tama rẹn wẹẹ, “Ọmwa ẹmwata ọre ima rẹn ruẹn yi, ẹmwata ne ọ rre vbene Osanobua mu ẹmwẹ ẹdẹ agbọn emwa ne agbọn yi, ọre u ma emwa re, vbe ne u i na vbe lele ne agbọn khare, rhunmwuda ighe osi ẹrrẹe ọghe ukpo ne ọmwa ye, ẹ i si ọ.

Matiu 22:16 ပူးပေါင်းရင်းမြစ်များ

I Ọba 22:14

Sokpan, e Makaia keghi kha wẹẹ, “Vbe eni e Nọyaẹnmwa, emwi ne Nọyaẹnmwa tama mwẹ ọre I ra ta.”

Psalm 12:2

Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Itan 29:5

Adeghẹ u kpe ọsiọ ye ewọwọ, te u rhuẹ ifi ne egbe uẹ.

Malakai 2:6

Iran wa gha ma emwa emwi ne ọ kere ighe ẹire emwi ne ọ ma gba. Iran wa gha gun mwẹ rrọ vbe ọfumwegbe, ẹire wẹ te iran tobọ iran wa gha ru emwi ne ọ gbae ọkpa, sokpan iran keghi gha yi emwa nibun obọ ne iran rhie obọ hin emwi dan ne a ru rre.

Malakai 2:9

Rhunmwuda ọnii, te imẹ ghẹghi vbe ru ẹe wẹ ne ivbi Izrẹl gha zan uwa rhunmwuda wa ma ru vbene imẹ ho; wa gha ma emwa emwi, wa i ya obọkpa mu emwa hia.”

Matiu 22:24

Iran nọ rẹn wẹẹ, “Ọmamwaemwi, Mosis ma ima ẹre wẹẹ, ‘Deghẹ ọ ma he kẹ ọmwa ya biẹ ọ ke wu, ne ọtẹn ọnrẹn si amwẹ ọnrẹn ẹgbẹ, ne ọ miẹn ehe na biẹ ne ọmwa ne ọ wu nii.’

Matiu 22:26

Erriọ ọre ẹmwẹ ne ogieva ni vbe de, kevbe ne ogieha rhinrin ya sẹ egbe ne ogihinrọn.

Matiu 26:18

Rẹn wanniẹn tama iran wẹẹ, “Wa bu okpia ọkpa vbe ẹvbo na, wa tama rẹn wẹẹ, ‘Ẹghẹ mwẹ sẹ nẹ, mẹ kevbe avbe erhuanegbe mwẹ ra do ru Emwiukpo Alagberra vbe owa ruẹ.’ ”

Matiu 26:49

Ugbẹn vbe Judas ghi rre, ọ keghi wa bu Jesu gha khian taara, ọ wẹẹ, “Ọmaemwaemwi, ọfumwegbe ọ re ọwuẹ,” ọ keghi ya unu soso ẹre unu.

Iyẹn ne ọ Maan Ọghe Mak 10:17

Ugbẹn vbe Jesu ghi ra vbe suẹn okhian, okpia ọkpa rhulẹ bu ẹre rre, ọ diguẹ nẹ, ọ keghi nọ rẹn wẹẹ, “De emwi ne I gha ru, Ọmamwaemwi ne ọ maa, ne ẹfe ne ẹ i fo gha na sẹ mwẹ obọ?”

Iyẹn ne ọ Maan Ọghe Mak 12:13

Iran keghi gie avbe Farisi eso, kevbe eso vbe uwu ekpayẹ Hẹrọd ne iran ya gualọ Jesu ẹmwẹ ne unu.

Iyẹn ne ọ Maan Ọghe Mak 12:14

Iran keghi bu ẹre gha dee, iran tama rẹn wẹẹ, “Ọmamwaemwi, ọmwa ne ọ ta ẹmwata ma rẹn ruẹn yi, wẹ i lele ne agbọn khare, rhunmwuda osi ẹrrẹe i siọ, sokpan, ẹmwata ne ọ rre vbene Osanobua mu ẹmwẹ edẹ agbọn emwa yi ọre u ma emwa re. Tama ima, ọ kere vbe ọmwa a ha igho uhunmwu gie Ọgbaisi e Rom ra ọ ma ke? Ne ima ha ẹre ra ne a ghẹ hae?”

Iyẹn ne ọ Maan Ọghe Mak 3:6

Vbe ọwarọkpa nii avbe Farisi keghi kpao vbe Ọgua ediọn rre, iran keghi ya gu eso vbe uwu avbe ekpayẹ Hẹrọd si uma vbene iran gha ya ghe Jesu hẹ.

Iyẹn ne ọ Maan Ọghe Mak 8:15

Jesu tama iran wẹẹ, “Wa gha begbe vbe obọ eyist avbe Farisi kevbe eyist ọghe Hẹrọd.”

Iyẹn ne ọ Maan Ọghe Luk 20:21

Avbe ọrhẹ ni keghi khama Jesu wẹẹ, “Ọmamwaemwi, ma rẹnrẹn ighẹ emwi ẹmwata ne ọ gbae ọre u ma emwa ẹre. Ma rẹnrẹn ighẹ osi ẹrrẹ i siọ, sokpan ẹmwata ne ọ rre vbene Osanobua mwamwa ẹmwẹ emwa ne agbọn yi ọre u ma emwa re.

Iyẹn ne ọ Maan Ọghe Luk 7:40

Jesu keghi tama Saimọn wẹẹ, “Saimọn I mwẹ emwi ọkpa ne I ho ne I tama ruẹn.” Rẹn wanniẹn tama rẹn wẹẹ, “Gha guan ọmamwaemwi, ta ẹe ma mwẹ.”

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iyẹn ne ọ Maan Ọghe Jọn 18:37

Rhunmwuda ọnii, Pailet nọ rẹn wee, “Ọnii rhie ma ighe ọba we gele khin?” Jesu wanniẹn wẹẹ, “Wa ọre ọ khare ighe ọba mẹ khin. Emwi ne ọ si ẹe ne I na gha dee, ne a na vbe biẹ mwẹ vbe agbọn na ọrọre ne I do ta ẹmwẹ ẹmwata, ọmwa ne ọ ghi re ọghe ẹmwata nẹ gha danmwehọ mwẹ.”

Iyẹn ne ọ Maan Ọghe Jọn 7:18

Ọmwa ne ọ zẹ ẹmwẹ obọ ẹre ta, uyi egbe ẹre ọ gualọ. Sokpan ọmwa ne ọ ho uyi ọmwa ne ọ gie ẹe ghi gha yin uyinmwẹ ne ọ diae, ẹ i ru ero.

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

II Kọrinti 5:16

Rhunmwuda ọnii, ẹ i re obọ ne agbọn mu la, ma ghi ya bu ohiẹn ọmwa rhọkpa. A deghẹ te a kue miẹn wẹ, ẹghẹ ọkpa rrọọ ne ima na gha ye aro vbe ne agbọn roro ghe Jesu, ma i ghi ru vberriọ nian.

Galatia 1:10

Te ọ ghi ye vbe wẹ, te I ho ne emwa ba gha tian mwẹ ma uwa ra? Hiehiere, Osanobua ọ re I ho ne ọ tian mwẹ! Te I ba ho ne emwa hia gha so eni mwẹ nọ ma ra? Akpawẹ vberriọ ọre I ru, I ghẹ ghi sẹtin gha re ọguọmwadia Kristi.

Galatia 2:6

Sokpan iran ni ye vbe avbe olotu, I tae vberriọ, rhunmwuda, emwi ne iran khin, i mwẹ esa nọ khin ne imẹ, rhunmwuda Osanobua ighe ikpakpa ya bu ohiẹn. Vbene I kha re, avbe olotu ma vbe gun mwẹ zẹ iro emwi ọgbọn.

Diuteronomi 33:9

Iran ọ ye ẹko ata yin ghe ruẹ sẹ evbibiẹ emọ, etẹn ra emọ iran ya uhi ruẹ ru emwi, iran ma mu ẹmwẹ ile ruẹ fua.

I Tẹsalonaika 2:4

Vberriọ, vbe ne Osanobua wẹ ne ima gha guan, ọre ima ya guan, rhunmwuda, Osanobua gba ẹko ima, ọre ọna mu ẹmwẹ Iyẹn Ne ọ maa ye ima obọ. Ẹ i re ne ọ gha yẹ emwa ne agbọn ma ru, vbe ẹ i re ne ọ gha yẹ Osanobua ọmwa nọ danmwẹ emwi ne ọ rre ima ekhọe ghe.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.