Matiu 22:13 - Edo Bible (E Baibol Ẹdo) Version 1996

¹³ Ẹkpo nii ọre ọba ghi na khama avbe eguọmwadia ẹre wẹẹ, ‘Wa gba ẹre obọ gba ẹre owẹ, ne uwa mu ẹn fi uwu ebiebi vbe ore, ne ọ ya gha viẹ egbe kevbe ne ọ ya gha rri akọn vbe evba.’ ”

Matiu 22:13 ပူးပေါင်းရင်းမြစ်များ

Psalm 112:10

Emwa dan miẹn ọn, ohu kegha mu iran, ohu mu iran, egbe emwi hia wọ iran, idaehọ iran wirua fo fẹẹrẹ.

Psalm 37:12

Ọmwa dan khuan khẹ ọmwa esi ọ kevbe ye ikhuiwu gha ghe ẹre kọn-ọn.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Daniẹl 3:20

Ọ na wẹ ne iran ni ghi wegbe sẹẹ vbe avbe ivbiyokuo irẹn gbalọ iran eheha na hẹ ku uwu erhẹn nii.

Matiu 12:29

“Ọmwa ne ọ gha sẹtin gbe urho la owa ọmwẹtin ya viọ ẹre emwi, ẹ i rrọọ vbe ẹ i rre te ọ ka mu ọmwẹtin ni gba nẹ, ọ te ya viọ ẹre emwi.

Matiu 13:30

Wa gie ọka kevbe ohunhun gba gha wan khian ọ te ya sẹ ẹghẹ emwiorhọ. Mẹ gha tama iran ni rhọ emwiorhọ wẹẹ, wa ka vbọlọ avbe ohunhun ni rrọọ nẹ, ne a gbalọ iran ikun ikun viọ ku erhẹn, iyeke ọnii, wa ke ya si ọka ni rrọọ koko ya aza mwẹ.’ ”

Matiu 13:42

A ghi hẹ iran ku uwu ọgẹn erhẹn ne iran ya gha viẹ egbe, kevbe ne iran vbe ya gha rri akọn khuara vbe evba.

Matiu 13:50

Iran ghi hẹ iran ku uwu ọgẹn erhẹn. Iran ghi gha viẹ egbe, iran ghi vbe gha rri akọn khuara vbe evba.”

Matiu 24:51

Arowa ẹre gha giagia ẹre ukhiọnmwẹ ukhiọnmwẹ, ọ ghi ru ẹre emwi ne ọ ma ẹwobi. Evba ọ ra na ya gha viẹ, ọ ghi vbe gha rri akọn.

Matiu 25:30

Zẹ vbe ọghe ọguọmwadia ne ẹwobi na, wa si ẹe fi uwu ebiebi vbe ore ne ọ ya gha viẹ egbe, kevbe ne ọ vbe gha rri akọn vbe evba.’

Matiu 8:12

A ghi khulo iran ne a mobọ roro ighe ọ yan nene Arriọba ku uwu ebiebi vbe ore. Iran ghi gha viẹ, iran, ghi gha rriakọn khuara vbe evba.”

Iyẹn ne ọ Maan Ọghe Luk 13:28

Eve kevbe irriakọn nọkhua khian gha nọ vbe uwẹ a ya bẹghe Ebraham, Aizik, kevbe Jekọb deba avbe akhasẹ hia vbe Arriọba Osanobua, vberriọ, a sẹ uwẹ rae ye ore.

Iyẹn ne ọ Maan Ọghe Jọn 21:18

Ne I te ẹmwata ma ruẹn, ẹghẹ ne u na gha rre igbama, wẹ ọre ọ te tobọ ruẹ rhie ugbẹkun gba, u ghi gha rrie ehe ne ọ khọn ruẹn. Sokpan, u gha ghi khian ọmaẹn nẹ, u ghi nien obọ ruẹ ladian, ọmwa ọvbehe ghi gba ẹe, ọ ghi siọ gha rrie ehe ne ọ ma te khọn ruẹn.”

Iwinna 21:11

Ọ keghi bu ima gha dee, ọ keghi rhie ugbẹkun e Pọl, ọ keghi yae gba egbe ẹre obọ vbe owẹ, ọ wẹẹ, “Orhiọn Ne Ọ Huanrẹn wẹ, ‘Vbe nian ọre avbe Ju khian mu ọmwa ne ọ yan ugbẹkun na gba vbe Jerusalẹm, iran ghi mu ẹn gie avbe emwa ne ẹ i re Ju.’ ”

Iwinna 7:54

Emwa ni rre Iko ni ghi wa họn ẹmwẹ ne Stivin ta, okuosu keghi wa rri iran, iran na gha gbe akọn ẹkorriaramwẹ da ẹre.

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.

II Pita 2:17

Iran na yevbe ẹzẹ ne ọ kae, iran ye vbe ubimwẹ amẹ ne ẹhoho hoho khian. Osanobua rhie otọ khẹ iran nẹ vbe uwu ebiebi ne ọ dinmwi sẹẹ ehia.

II Pita 2:4

Rhunmwuda Osanobua ma ya bọ avbe odibo ni ru orukhọ, sokpan te ọ filo iran ku uwu ẹrinmwi erhẹn, ehe ne a na khui iran ye uwu ebiebi hin re khẹ Ẹdẹ Ibuohiẹn.

Ebe ne Jud gbẹẹn 1:13

Iran ye vbe ogbigbi amẹ a kuọkan, ọghe okun, vbene uyinmwẹ efa iran na rhiegbe ma zẹ vbe ihu. Iran ye vbe orhọnmwẹ ni hẹ yo hẹ rre, emwa ne Osanobua rhie ihe ye otọ khẹ nẹ, vbe uwu ebiebi ne ọ dinmwi sẹẹ.

Ebe ne Jud gbẹẹn 1:6

Ye iran ne avbe odibo Osa rre, iran ni ma gbe ye egbe, vbe ehe ne a rhie ẹtin ne iran sẹ, sokpan, iran keghi kpao sẹ ehe ne a rhie ne iran gha ye rre. Osanobua hẹ iran ku uwu ebiebi ne ọ rre ototọ, a ya eghan etẹbitẹ de iran khẹ Ẹdẹ ne ẹdẹrriọ ne a gha bu abe gbe iran.

Arhie Maan 21:27

Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.