Matiu 22:12 - Edo Bible (E Baibol Ẹdo) Version 1996

¹² Ọba keghi nọ rẹn wẹẹ, ‘Ọse mwẹ, vbe uwẹ ya sẹ emwa na hẹ vbe ne u i na mwẹ ẹwu irhiọha yi?’ Sokpan okpia na ma miẹn ẹmwẹ guan.

Matiu 22:12 ပူးပေါင်းရင်းမြစ်များ

Job 5:16

Ọ rhie idaehọ ne ovbiogue. Ọ gue ọmwa dan unu.

Psalm 107:42

Emwa ẹmwata miẹn ọna, iran kegha ghọghọ sokpan, a keghi gue emwa dan hia unu.

Jerimaia 2:23

Vbe uwa ghi ra tae hẹ yi ighe wa ma ru awua, wẹ, wa ma he gho e Baal ẹdẹ. Wa ghe vbene uwa ru orukhọ hẹ vbe uwu iya, wa ghe emwi ne uwa he ru, te uwa ye vbe ede amwẹ vbe ẹghẹ owowo, wa gha rhulẹ yo rhulẹ rre vbe ne a ma na gbe odẹ,

Jerimaia 2:26

E Nọyaẹnmwa khare wẹẹ, “Zẹ vbene a ya oya ne oyi vbe a gha mu ẹẹn, erriọ zẹẹ, ọ re a ra ya oya ne uwa ne ivbi Izrẹl hia avbe ọba uwa, kevbe avbe ekhaẹmwẹ kevbe avbe ohẹn kevbe avbe akhasẹ.

Matiu 20:13

Nọyan ugbo keghi wanniẹn tama ọkpa vbọ wẹẹ, ‘Danmwehọ ose mwẹ, I ma mu uẹn ru. Ẹ i re ikọbọ ọkpa vbe ẹdẹ ma gba tae yi?

Matiu 26:50

Jesu wanniẹn wẹẹ, “Oko, gie obọ gha kẹe.” Iran keghi rre, iran mu Jesu, iran na da ẹe yi gbain.

Matiu 5:20

Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

Taitọs 3:11

Rhunmwuda, u rẹnrẹn ighẹ te ọmwa vberriọ sakan an, orukhọ ẹre vbe rhie maa ighẹ te ọ ba odẹ ku.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.