Matiu 21:8 - Edo Bible (E Baibol Ẹdo) Version 1996

⁸ Emwa ni bun keghi wa ukpọn iran ye odẹ, emwa ọvbehe keghi vbe giagia abọ erhan, iran wa ehia ye odẹ.

Matiu 21:8 ပူးပေါင်းရင်းမြစ်များ

II Ọba 9:13

Vbe ọwarọkpa nii, avbe ọkaokuo ne ihua e Jehu keghi wa ẹwu iran ye ikpawẹ ne ọ ke ukhunmwu, iran keghi kha wẹẹ, “E Jehu rriọba!”

Levitikọs 23:40

Vbe ẹdẹ nẹdẹrriọ, wa ghi hannọ emwi okọ ne ọ maa sẹ vbe ọmọ erhan uwa, wa ghi viọ ewanmwẹ kevbe abọ erhan ni mwẹ ebe ẹsẹse, na uwa suẹn ugamwẹ emwi okọ ne uwa ya ya ọghọ ne Nọyaẹnmwa Osanobua rua.

Matiu 21:7

Iran keghi mu ekẹtẹkẹtẹ nii vbe ovbi ẹre rre. Iran wa ukpọn yan iran, Jesu keghi tota yan iran.

Iyẹn ne ọ Maan Ọghe Mak 11:8

Emwa ni bun keghi vbe wa agbada ẹwu iran lele odẹ. Emwa ọvbehe keghi vbe giagia abọ erhan ne giẹrẹ ke oha rre, iran keghi vbe wa ẹre lele odẹ.

Iyẹn ne ọ Maan Ọghe Luk 19:36

Ugbẹn vbe ọ ghi hin ẹnrẹn khian, iran kegha wa ẹwu iran lele odẹ.

Iyẹn ne ọ Maan Ọghe Jọn 12:13

Rhunmwuda ọnii, iran keghi viọ ewanmwẹ mwẹ obọ ya khian vba ẹre, iran kegha wee bọọ wẹẹ, “Wa rhie urhomwẹ ne Osanobua. Afiangbe Osanobua nọ ne ọmwa ne ọ dee vbe eni Nọyaẹnmwa. Afiangbe Osanobua nọ ne Ọba Izrẹl.”