Matiu 21:5 - Edo Bible (E Baibol Ẹdo) Version 1996

⁵ “Wa khama Zaiọn ne okpẹvbo, ọba ruẹ bu ruẹ dee nian. Ọmẹhẹ ne ọ hin ekẹtẹkẹtẹ, ọ hin ekẹtẹkẹtẹ ne aranmwẹ ne a ya kun ihẹ ke ovbi ekẹtẹkẹtẹ ne sọguọsọguọ.”

Matiu 21:5 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

II Samuẹl 16:2

E Devid ne ọba keghi nọ rẹn wẹẹ, “Vbe u a a ya ena hia ru yi?” E Ziba keghi wanniẹn wẹẹ, “Avbe ẹsin ni rrọọ keghi re ne ẹgbẹe ọba ra gha hin, ebrẹd kevbe avbe ọmọ erhan ni rrọọ kegha re ne avbe emwa nii gha re, ayọn nọ rrọọ keghi re ne iran gha wọn vbe egbe a wọ iran vbe uwu ẹgbo.”

I Ọba 1:33

rẹn keghi tama iran wẹẹ, “Wa viọ avbe ukọ ne iwẹguae mwẹ ba egbe, wa mu ẹ Solomọn ne ovbi mwẹ yan ekẹtẹkẹtẹ mwẹ, ne ọ hin ẹnrẹn ne uwa lele ẹe gha rrie Ẹzẹ Gihọn,

I Ọba 10:26

E Solomọn kegha mwẹ ivbi iyokuo ne ikẹkẹ okuo arria ihinrọn (1,400) ye, kevbe ẹsin arriaisẹn iweva (12,000), a keghi viọ eso vbọ ye ẹvbo ẹre, ọvbehe vbe ikẹkẹ okuo nii, ni dekẹe kegha re ne irẹn wa tobọ ẹre kha yan vbe Jerusalẹm.

Psalm 9:14

ne imẹ miẹn ehe na mudia vbe odaro ivbi e Jerusalẹm. Ne I tama iran, emwi ne I rho ruẹ ba. I gha ghọghọ rhunmwuda, wẹ miẹn mwẹ fan nẹ.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 40:9

E Jerusalẹm, hin oke ne ọ yo, ne u ya wewe iyẹn ne ọ maa nii! E Zaiọn, ya urhu ne ọ la datu, ta iyẹn ne ọ maa ni ladian, guan ladian, ghẹ gie ohan mu ẹẹn. Tama avbe ore nekhua ni rre Juda wẹ Osanobua iran dee.

Aizaia 62:11

Wẹ te Nọyaẹnmwa tama otọ agbọn hia na: “Wa tama ivbi e Jerusalẹm, wẹ Nọyaẹnmwa dee ra do miẹn ruan fan, ọ gha vbe viọ avbe emwa ne irẹn faẹn vbe irri mwẹ obọ gha dee.”

Ezikiẹl 34:24

Mẹ ne Nọyaẹnmwa ghi gha re Osanobua iran, ọba ne ọ yevbe Devid ne ọguọmwadia mwẹ ghi gha re ne ọ khaemwisẹ yan iran. I tae nẹ.

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Hozia 1:7

Sokpan, I gha ho ẹmwẹ ivbi Juda. Mẹ ne Nọyaẹnmwa ne Osanobua iran gha miẹn iran fan, sokpan ẹ i re okuo I ra ya ru ẹe, ẹ i re umozo, uhanbọ kevbe ifẹnmwẹ, ẹ i re vbekpa ẹsin kevbe emwa ni hin ẹsin.”

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Nọmbas 24:19

Okpẹvbo Izrẹl gha ye owẹ rri iran ginna otọ ọ ghi kpolo iran ni ghi te ke ẹe vbọ kua.”

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Matiu 2:2

Iran do nọọn wẹẹ, “Ọmọ ne a biẹ ẹe ne ọ do rriọba avbe Ju vbo? Ma miẹn orhọnmwẹ ọnrẹn vbe ọlarre owẹn, ọre ima na gha de do ye uhunmwu rhanmwẹ otọ nẹẹn.”

Matiu 2:6

“ ‘Bẹtlẹhẹm ne ọ rre Judia, wẹ i re ne ọ kanmwa sẹ, vbe ẹbu ẹvbo iriegie Judia Rhunmwuda, odọ ọwuẹ ọre ọkaolotu gha ke ladian rre ne ọ do ru arọndẹ ne Izrẹl, emwa mwẹ.’ ”

Matiu 21:6

Avbe erhuanegbe keghi gele gha khian ya ru vbene ọ gie iran.

Iyẹn ne ọ Maan Ọghe Luk 24:27

Jesu keghi rhan otọ ẹmwẹ hia ne Ebe tae vbekpa irẹn ma iran. Ọ keghi suẹn vbe ebe Mosis rhinrin ya sẹ emwi ne avbe akhasẹ gbẹnnẹ.

Iyẹn ne ọ Maan Ọghe Jọn 1:49

Nataniẹl wanniẹn wẹẹ, “Ọmaemwaemwi, Ovbi Osanobua ọre u khin, wẹ ọrọre Ọba Izrẹl.”

II Kọrinti 10:1

Mẹ ne Pọl wa tobọ mwẹ rinmwian uwa, mẹ ne a wẹ re I gha gu ọmwa mudia, I ghi gha re ọmẹhẹ, sokpan I gha kpao vbe ehe ne uwa ye rre nẹ, I ghi gha khọ mu uwa, I ye ufumwẹ kevbe itohan Kristi rinmwian uwa.

Diuteronomi 17:16

Ọ ma kei ne ọba gha mwẹ ẹsin ni bun, ne ọ gha re ọghe ivbiyokuo ẹre, ọ ghẹ vbe gie emwa gha rrie Igipt ya dẹlẹ ẹsin rre, rhunmwuda, e Nọyaẹnmwa ta ẹe wẹ emwa irẹn i ra dọlegbe gha rrie odọ.

Giọgis 12:14

Rẹn kegha mwẹ emọ ikpia iyeva kevbe eyẹ ọgban, ni ghi gha hin ekẹtẹkẹtẹ ekigbesiyenẹ (70). Ukpo erẹnrẹn ọre Abdọn su Izrẹl la,

Giọgis 5:10

Wa gha ta ẹe, wa ni hin ekẹtẹkẹtẹ nọfua ni tota yan egbalọ ẹsin ke uwa ni gha ya owẹ, yo ehe ne uwa rrie.