Matiu 21:34 - Edo Bible (E Baibol Ẹdo) Version 1996

³⁴ Ọ ghi sẹ ẹghẹ ne a ya rhọ emwiorhọ, ọ keghi gie ọkpa vbe uwu eviẹn ọnrẹn ne ọ ya miẹn iran oghae ne ọse irẹn egbe vbọ viọ rre.

Matiu 21:34 ပူးပေါင်းရင်းမြစ်များ

Aizaia 5:4

Emwi eso rrọọ ra ne I ma sẹtin ru ne ẹẹn? Vbọ ghi zẹ yi, ne ọ na mọ ọmọ ne ọ kaẹn vbe imẹ rhie aro ye ọmọ ni maa?

Jerimaia 35:15

I gie avbe eguọmwadia mwẹ i ghe avbe akhasẹ gie uwa, iran vbe tama uwa ne uwa mu emwi dan ne uwa ru fua ne uwa gha ru emwi ne ọ gbae, iran tama uwa ne uwa ghẹghi ga avbe ẹbọ ọvbehe, ne uwa miẹn ehe na gha yin otọe nii ne I mu ne uwa kevbe avbe erha uwa odede. Sokpan, wa ma danmwehọ mwẹ a ma wẹ te uwa ghi ra zẹ yọ mwẹ re.

Matiu 21:35

Iran ni keghi munọ eviẹn ọnrẹn nii, iran mama ọkpa vbọ, iran gbe ọkpa vbọ rua fẹẹrẹ, iran keghi filo okuta gbe nọkpa.

Matiu 21:38

Sokpan iran ni rre ugbo nii ghi wa bẹghe ovbi ẹre na, iran keghi wa si uma wẹẹ, ‘Ghe ovbi enọyan ugbo, wa larre ne a gbe ẹe rua ne emwi ẹnrẹn khian ọghọmwa.’

Matiu 21:40

Jesu keghi nọọn iran wẹẹ, “Nọyan ugbo gha ghi rre, vbe uwa yayi ighẹ ọ gha ru iran na hẹẹ?”

Matiu 21:41

Iran wanniẹn wẹẹ, “Te ọ ra gbele emwa dan ni uan, ọ ghi mu ugbo ni ne emwa ọvbehe ni gha viọ emwi ne ọ sẹ irẹn egbe ne ẹn vbe ẹghẹ, vbe iran a rhọ emwiorhọ.”

Matiu 22:3

Ọ keghi gie eguọmwadia ẹre ne iran ya khama emwa ne a tiere wẹ ne iran gha dee. Sokpan, iran ma ho ne iran rre.

Iyẹn ne ọ Maan Ọghe Mak 12:1

Jesu keghi suẹn gha ya itan gu iran guan, ọ wẹẹ, “Okpia ọkpa keghi do mu ugbo emwiokọ, ọ gba ogba lẹga ẹre, ọ keghi fian okọ ne a na ru ẹdin yọ, ọ keghi vbe bọ owa ọbodẹ yọ. Ọ Keghi mu ne emwa eso gha gbe aro ghe ẹre vbe agbeghae, rẹn keghi kpao gha rrie ehe.

Iyẹn ne ọ Maan Ọghe Mak 12:7

Sokpan iran ni gbe aro ghe ugbo ni keghi kha wẹẹ, ‘Wa ghe ovbi ne ọ yan ugbo, wa gia gbe ẹe rua ne ugbo khian ọghomwa.’

Iyẹn ne ọ Maan Ọghe Mak 12:9

Jesu keghi nọ iran wẹẹ, “De emwi ne uwa yayi ighẹ ne ọ yan ugbo ni gha ghi ru? Ọ gha do gbele avbe emwa nii, ọ ghi mu ugbo nii ne emwa ọvbehe gha gbe aro ghe.

Iyẹn ne ọ Maan Ọghe Luk 20:9

Jesu keghi kpa itan na ma iran wẹẹ, “Okpia ọkpa keghi do mu ugbo emwiokọ, ọ keghi mu ne emwa gha gbe aro ghe nẹẹn. Ọ kegha rrie owa, ọ kpẹe vbọ ẹsẹse.