Matiu 21:31 - Edo Bible (E Baibol Ẹdo) Version 1996

³¹ Vbe uwu iran eva na, gha ọ ru emwi ne erha ẹe ho vbọ?” Iran wanniẹn wẹẹ, “Nọdiọn nọ.” Jesu wanniẹn tama iran wẹẹ, “Ne I tama uwa, avbe iran ni koko igho uhunmwu kevbe avbe igberagia ọre ọra ka la arriọba Osanobua khẹ uwa.

Matiu 21:31 ပူးပေါင်းရင်းမြစ်များ

Job 15:6

Ẹ i re imẹ ọ re ọ gha zẹdẹ bu ohiẹn gbe uẹ, avbe ẹmwẹ ne u guan bu ohiẹn gbuẹ nẹ.

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Matiu 12:50

Rhunmwuda ọmwa ne ọ rhirhi ru iho Erhamwẹ ne ọ rre ẹrinmwi ọrọre ọtẹn mwẹ nokpia, kevbe ọtẹn mwẹ nokhuo kevbe iye mwẹ.”

Matiu 18:3

Ọ wẹẹ, “Ne I khama uwa, vbe ẹ i re te uwa fiwerriẹ ne uwa do gha ye vbe ibiẹka, wa i sẹtin la Arriọba ẹrinmwi.

Matiu 20:16

Jesu keghi gbe ẹe wanniẹn wẹẹ, “Erriọ ye zẹẹ. Ikaro gha khian ikiekie, ikiekie gha khian ikaro.”

Matiu 21:30

Erha iran keghi vbe ya tama nọkpa vberriọ zẹẹ. Rẹn keghi wanniẹn wẹẹ, ‘I họn ẹn evbavba.’ Sokpan ọ ma yo.

Matiu 5:18

Ne I tama uwa, omwa vbene ẹrinmwi vbe agbọn na he ye rrọọ, a i ra vbọ irọn ọkpa fua vbe egbe uhi rhinrin a te do miẹn wẹ emwi hia sẹ ufomwẹ.

Matiu 5:46

De emwi ne Osanobua gha san ruẹn ẹse ba, deghẹ iran ni ho ẹmwẹ ruẹn ọkpa wẹ vbe ho ẹmwẹ ọnrẹn? Ẹ i re erriọ iran ni koko igho uhunmwu vbe ru!

Matiu 6:5

“U gha na erhunmwu, ghẹ ya egbe ta avbe ni zẹ imamase ni mudia na erhunmwu vbe Ọgua ediọn kevbe ihuada ne agbọn miẹn ehe na gha dẹghe iran, Ne I tama uwa, ere ne ọ rre iran re wa vbe fo ye evba nẹ.

Matiu 7:21

“Ẹ i re emwa hia ni tie mwẹ ‘Nọyaẹnmwa, Nọyaẹnmwa’ ọre ọ gha la Arriọba Osanobua, sokpan emwa ni ru iho erha mwẹ ne ọ rre ẹrinmwi.

Matiu 9:9

Jesu keghi kpao vbe evba rre, ugbẹn vbe ọ ghi khian ọ miẹn okpia ọkpa ne a tiẹre Matiu, ọ tota ye ehe ne ọ na koko igho uhunmwu. Ọ keghi khama rẹn wẹẹ, “Lele mwẹ.” Matiu keghi guakpao, ọ na lelẹe.

Iyẹn ne ọ Maan Ọghe Luk 15:10

Ne I tama uwa, erriọ ọre ọyẹnmwẹ sẹ avbe odibo Osanobua ye ọmwa orukhọ ọkpa ne ọ fi werriẹ.”

Iyẹn ne ọ Maan Ọghe Luk 19:22

Rẹn tama rẹn wẹẹ, ‘Ọguọmwadia dan, ẹmwẹ ne unu ruẹn ọre I ra ya bu ohiẹn gbe uẹ. U rẹnrẹn ighe I wegbe aro, I ghi gha viọ emwi ne I ma yan, I ghi vbe gha rhọ emwi ne I ma kọ,

Iyẹn ne ọ Maan Ọghe Luk 7:29

Avbe emwa hia kevbe iran ni koko igho uhunmwu keghi danmwehọ ẹre. Iran na ọre ọ ru emwi ẹmwata ne Osanobua khama iran, e Jọn keghi vbe samẹ ne iran.

Iyẹn ne ọ Maan Ọghe Jọn 3:3

Jesu wanniẹn wẹẹ, “Ẹmwata ne ẹmwata ọre I tama ruẹn, ọmwa ne ọ gha sẹtin miẹn Arriọba Osanobua ẹ i rrọọ deghẹ i re te a dọlọ ẹe biẹ.”

Iyẹn ne ọ Maan Ọghe Jọn 3:5

Jesu wanniẹn tama rẹn wẹẹ, “Ẹmwata ne ẹmwata ọre I tama ruẹn wẹ ọmwa ọkpa ne ọ gha sẹtin la Arriọba Osanobua ẹ i rrọọ vbe i re te a ye amẹ kevbe Orhiọn biẹ ọe.

Iwinna 17:30

Osanobua ma ghi zẹ ye ẹmwẹ ẹghẹ ne emwa ne agbọn ma na rẹn nii, sokpan ẹghẹ na nian, ọ yi ẹre iyi ne emwa hia ni rre ehe hia wẹ ne iran lahin odẹ dan iran rre.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.