Matiu 21:30 - Edo Bible (E Baibol Ẹdo) Version 1996

³⁰ Erha iran keghi vbe ya tama nọkpa vberriọ zẹẹ. Rẹn keghi wanniẹn wẹẹ, ‘I họn ẹn evbavba.’ Sokpan ọ ma yo.

Matiu 21:30 ပူးပေါင်းရင်းမြစ်များ

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Matiu 21:29

Ọ wanniẹn wẹẹ, ‘I i sẹtin yo.’ Sokpan, vbe okiekie ẹre, ọ fi ekhọe werriẹ, ọ na gha khian.

Matiu 21:31

Vbe uwu iran eva na, gha ọ ru emwi ne erha ẹe ho vbọ?” Iran wanniẹn wẹẹ, “Nọdiọn nọ.” Jesu wanniẹn tama iran wẹẹ, “Ne I tama uwa, avbe iran ni koko igho uhunmwu kevbe avbe igberagia ọre ọra ka la arriọba Osanobua khẹ uwa.

Matiu 23:3

Rhunmwuda ọnii, wa gha ru zẹ vbene iran ma uwa ẹre hia, sokpan wa ghẹ ye egbe ta uyimwẹ iran rhunmwuda, iran i ru emwi ne iran ta.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.