Matiu 21:26 - Edo Bible (E Baibol Ẹdo) Version 1996

²⁶ Sokpan ma gha kha wẹẹ obọ ọmwa nọ, a ma rẹn emwi ne iran na gha ru rhunmwuda iran hia wa kha ighẹ akhasẹ ẹmwata ọre Jọn khin.”

Matiu 21:26 ပူးပေါင်းရင်းမြစ်များ

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Matiu 11:9

Wa tama mwẹ, vbe uwa te ya ghe? Akhasẹ nọ ra? Ẹmwata ọ ni khin, sokpan ne I tama uwa, ọ kpọlọ sẹ akhasẹ.

Matiu 14:5

Hẹrọd gha te wa gbe ẹe rua, sokpan ohan avbe Ju kegha muẹn rhunmwuda iran hia wa ka e Jọn ye akhasẹ ẹmwata.

Matiu 21:11

Iran keghi wanniẹn wẹẹ, “Ọ na ọrọre Jesu ne akhase ovbi e Nazarẹt ne Galili.”

Matiu 21:25

De ehe ne asẹ ne Jọn ya samẹ ke rre yi? Obọ Osanobua ra obọ ọmwa?” Iran kegha mu ẹmwẹ na yo mu uẹn rre wẹẹ, “Vbe a ra tae hẹ yi? Ma gha kha wẹẹ obọ Osanobua, ọ gha nọ emwi ne ọ ghi zẹ ne ima ma na ya e Jọn yi.

Matiu 21:27

Rhunmwuda ọnii, iran wanniẹn tama Jesu wẹẹ, “Ma ma rẹn.” Rẹn kevbe tama iran wẹẹ, “Mẹ i vbe tama uwa khekherriọ asẹ ne I ya ru avbe emwi na.

Matiu 21:46

Iran te ho ne iran mu ẹn khui, sokpan ohan avbe emwa kegha mu iran rhunmwuda iran kha nẹ ighe akhasẹ ọre Jesu khin.

Iyẹn ne ọ Maan Ọghe Mak 11:32

Sokpan a deghẹ ma khare wẹẹ, ‘Obọ ọmwa’ ” (Ohan emwa kegha mu iran, rhunmwuda emwa hia wa rẹn wẹ akhasẹ ọre Jọn khin.)

Iyẹn ne ọ Maan Ọghe Mak 12:12

Avbe ọkaolotu e Ju keghi te ho ne iran mu Jesu rhunmwuda iran rẹnrẹn ighẹ rhunmwuda iran ọre ọ na kpa itan na. Sokpan ohan emwa kegha mu iran, iran na rhunmwuda ọnii sọ rae, iran na gha rrie.

Iyẹn ne ọ Maan Ọghe Mak 6:20

Ohan Jọn kevbe mu e Hẹrọd rhunmwuda ọ rẹnrẹn ighe ọmwa ẹmwata ne ọ huanrẹn ọre Jọn khin, ọ na tan ifuẹn gue ẹre. Ẹghẹ hia ọre ọ ya ho ne ọ gha danmwehọ ẹmwẹ ne ọta, a gha rhe miẹn wẹ ẹghẹ ne ọ rhirhi ya danmwehọ hia, ọre ọ ya zẹ afianma ye ọre egbe.

Iyẹn ne ọ Maan Ọghe Luk 20:19

Iran ni ma emwa Uhi, kevbe avbe igie ohẹn keghi te ra wa mu Jesu vbe evba rhunmwuda iran rẹnrẹn ighe rhunmwuda iran ọre ọ na kpa itan ni, sokpan ohan avbe emwa ni rre evba kegha mu iran.

Iyẹn ne ọ Maan Ọghe Luk 20:6

Sokpan ma gha kha wẹẹ, ‘Ọmwa ne agbọn ọre ọ rhie ẹre nẹẹn,’ te iran ni bima ye emwa na filo okuta gbele ima uan, rhunmwuda ekhọe iran hia muẹn ighẹ akhasẹ ọre Jọn khin.”

Iyẹn ne ọ Maan Ọghe Luk 22:2

Avbe igie ohẹn, iran ni ma emwa Uhi, keghi gualọ odẹ vbene iran gha ya gbe Jesu rhunmwuda ohan avbe emwa kẹkan mu iran.

Iyẹn ne ọ Maan Ọghe Jọn 5:35

Jọn keghi ye vbe ukpa ne ọ baa, ne ọ vbe wan uwanmwẹ ladian, wa keghi ho ne uwa ya uwanmwẹ ọnrẹn zọmọ vbe ovbi e ẹghẹ kherhe.

Iyẹn ne ọ Maan Ọghe Jọn 9:22

Avbe evbibiẹ ọe kha vberriọ rhunmwuda ighe ohan avbe Ju mu iran, rhunmwuda avbe Ju wa tae nẹ wẹẹ deghẹ ọmwaikọmwa tae ladian ighe Jesu ọrọre nene Mẹzaia, iran gha khu ẹe hin Ọgua ediọn rre.

Iwinna 5:26

Olotu iran ni khẹ odẹ keghi viọ emwa rẹn ba egbe, ọ keghi ya viọ avbe ukọ werriegbe rre. Sokpan iran ma ghi zaro mu iran, rhunmwuda ohan emwa mu iran ne iran ghẹ ya filo okuta gbele iran an.