Matiu 21:23 - Edo Bible (E Baibol Ẹdo) Version 1996

²³ Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Matiu 21:23 ပူးပေါင်းရင်းမြစ်များ

Ẹksọdọs 2:14

Rẹn keghi wanniẹn wẹẹ, “Gha ọ ya a ru enọkhaemwisẹ ra enọbuohiẹn yan ima yi? Te u ra do gbe mwẹ uan vbene u gbe ovbi Igipt nii uan ra?” Ohan keghi mu e Mosis, ọ na roro ẹe wẹẹ, “Emwa rẹn emwi ne I ru nẹ.”

Matiu 20:4

Ọ kevbe tama iran wẹẹ, ‘Wa gha rrie ugbo mwẹ ya winna, I gha ha osa ne uwa vbe ne ọ ke yi.’

Matiu 21:24

Jesu wanniẹn tama iran, “I gha nọ uwa ọta ọkpa kẹkan wa gha rhie ewanniẹn mẹ, I gha tama uwa asẹ ne I mwẹ ne I ya ru emwi na hia.

Matiu 24:1

Jesu keghi kpaegbe, vbene ọ wa ladian vbe Ọgua Osa, avbe erhuanegbe keghi do gha rhie vbene a bọ Ọgua Osa hẹ ma rẹn.

Matiu 26:55

Ẹkpo ni ọre Jesu na gu emwa ni guan wẹẹ, “De esa umozo kevbe orhokhua ne uwa hẹ mwẹ vbe uwa ra do mu mwẹ, vbene akhakha ighẹ izigan ọre imẹ khin? Ẹdẹgbegbe ọre imẹ ya gha tota ma emwa emwi vbe uwu Ọgua Osa, wa ma mu mwẹ.

Iyẹn ne ọ Maan Ọghe Luk 19:47

Jesu kegha ma emwa emwi vbe uwu Ọgua Osa ẹdẹgbegbe. Iran ne igie ohẹn, iran ni ma emwa Uhi, kevbe avbe iran ne olotu emwa kegha ho ne iran gbe Jesu ua.

Iyẹn ne ọ Maan Ọghe Luk 20:1

Ẹdẹ ọkpa, Jesu kegha rre uwu Ọgua Osa, ọ na gha ma emwa emwi, ọ kegha kpe orhu Arriọba Osanobua, iran ne igie ohẹn, iran ni ma emwa Uhi kevbe avbe ediọn keghi bu ẹre gha dee.

Iwinna 4:7

Iran viọ avbe ukọ ni mudia ye odaro iran, iran keghi nọ iran wẹẹ, “Vbe uwa ya ru emwi na hẹ? De ẹtin ne uwa mwẹ? de eni ọmwa ne uwa ya ruẹe?”

Iwinna 7:27

Ọmwa ne ọ ru ogieva ẹre khọ ne ọ rrọọ keghi wa sua Mosis ghe okhiẹ ọkpa, ọ nọ rẹn wẹẹ, ‘Gha ya uwẹ ru ne ọ khaemwisẹ ra ne ọ bu ohiẹn yan ima yi?