Matiu 21:20 - Edo Bible (E Baibol Ẹdo) Version 1996

²⁰ Unu keghi yan avbe erhuanegbe vbe iran miẹn emwi na. Iran nọ rẹn wẹẹ, “Vbọzẹ ne erhan ohọ ni na wa kaka ọwarọkpa vberriọ yi?”

Matiu 21:20 ပူးပေါင်းရင်းမြစ်များ

Matiu 21:19

Rẹn keghi bẹghe erhan ohọ ọkpa vbe ọkpẹn odẹ. Sokpan ọ ma miẹn emwi rhọkpa vbe uhunmwu ẹnrẹn gberra ebe. Rhunmwuda ọnii Jesu tama erhan ohọ nii wẹẹ, “U i ghi dọlegbe mọ ọvbehe.” Erhan ohọ ni keghi kaka ọwarọkpa nii.

Matiu 21:21

Jesu wanniẹn tama iran wẹẹ, “Ne I tama uwa, a deghẹ uwa yayi vbe ne a i na biro eva, wa gha sẹtin ru egbe emwi ne I ru erhan ohọ na re, vbe ẹmwata wa gha sẹtin khama oke wẹẹ, ‘Vbọ uhe ne u ya werriẹ fi uwu okun,’ ọ ghi gha ye erriọ.

Matiu 8:10

Ẹmwẹ na keghi wa yan Jesu unu an vbe ọ họẹn, ọ keghi tama iran ni lelẹe khian wẹẹ, “I ma he miẹn ọmwa ne ọ mwẹ iyayi vbenian vbe avbe emwa Izrẹl.