Matiu 21:1 - Edo Bible (E Baibol Ẹdo) Version 1996

¹ Iran ghi bu Jerusalẹm iran keghi do sẹ Bẹtfag vbe Oke Ọliv. Evba ọre Jesu ke gie eva vbe uwu avbe erhuanegbe ẹre ke odaro.

Matiu 21:1 ပူးပေါင်းရင်းမြစ်များ

Zẹkaraia 14:4

Ọ gha sẹ ẹghẹ nii, ọ gha mudia ye Oke Ọliv ne ọ rre odẹ ahọ ọghe Jerusalẹm, ẹghẹ nii iya nọkhua ghi gia Oke Ọliv ye ihe eva ke odẹ ahọ ya sẹ orrie. Ukhiọnmwẹ ọkpa vbọ ghi laghe odẹ okuọ, ukhiọnmwẹ nọkpa ghi laghe odẹ ekẹn.

Matiu 20:34

Jesu keghi tohan iran, ọ keghi ya obọ kan iran aro, ọwarọkpa, iran keghi suẹn gha bẹghe, iran keghi lele Jesu.

Matiu 21:2

Ọ tama iran wẹẹ, “Wa gha rrie ẹvbo ne ọ rre odaro uwa na. Wa gha miẹn vbe ọwarọkpa ekẹtẹkẹtẹ ne a dere ke ẹe kevbe ovbi ẹre. Wa rhan iran viọ bu mwẹ gha dee.

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Matiu 26:30

Iran keghi so ihuan ọkpa, iran na gha rrie uhunmwu Oke Ọliv.

Iyẹn ne ọ Maan Ọghe Mak 13:3

Ugbẹn vbe Jesu ghi tota ye uhunmwu oke Ọliv, vbe a gha ke Ọgua Osa fian odẹ rra, Pita, Jems, Jọn, kevbe Andru keghi hẹko bu Jesu gha dee, iran ọkpa.

Iyẹn ne ọ Maan Ọghe Mak 14:26

Iran keghi so ihuan ọkpa, iran na gha rrie uhunmwu oke erhan Ọliv.

Iyẹn ne ọ Maan Ọghe Luk 21:37

Jesu keghi wa ya ẹghẹ ni hia gha ma emwa emwi vbe uwu Ọgua Osa, ọ ghẹ ghi sẹ ota, ọ ghi ya dia uhunmwu oke Ọliv ya vbe asọn hia.

Iyẹn ne ọ Maan Ọghe Luk 22:39

Jesu keghi kpaegbe, ọ na gha rrie uhunmwu oke erhan Ọliv, zẹ vbene ọ ka ru de ẹdẹ, avbe erhuanegbe ẹre keghi vbe lele ẹe gha khian.

Iyẹn ne ọ Maan Ọghe Jọn 8:1

Emwa hia kegha rri owa sokpan Jesu kegha rrie uhunmwu Oke Ọliv.

Iwinna 1:12

Vbe iyeke ọnii, avbe ukọ keghi werriegbe ke uhunmwu oke Ọliv rre, ne ọ re omwa ukhiọnmwẹ ibiriki gha rrie Jerusalẹm.