Matiu 20:30 - Edo Bible (E Baibol Ẹdo) Version 1996

³⁰ Arhu aro eva nii tota ye ọkpẹn odẹ ghi họn ighe Jesu ọre ọ gberra, iran datu wẹẹ, “Ovbi e Devid, tohan mwa enọwanrẹn.”

Matiu 20:30 ပူးပေါင်းရင်းမြစ်များ

Psalm 146:8

Ọ ghi vbe rhan avbe arhuaro aro. Ọ munọ iran ni dele kpaegbe; ọ ho ẹmwẹ emwa ẹmwata ọghọe.

Aizaia 29:18

Ogha sẹ ẹdẹ nẹdẹrriọ, ayenhọ gha họn vbe a gha tie ebe ladian avbe arhuaro ni ka rre uwu ebiebi yi, gha rhan aro ua, iran ghi vbe dẹghe.

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Aizaia 42:18

E Nọyaẹnmwa khare wẹẹ, “Wa danmwehọ wa ne ayin ehọ! Wa ziẹn aro yọ, wa ne arhuaro!

Aizaia 59:10

te ima ghi ya obọ baba odẹ zẹ vbe arhuaro. Te ima ghi rrua owẹ vbe ogiavan ogioghogho vbe ne a miẹn wẹ ẹvbo iran ni wulo nẹ ne ehe hia na so ebiebi ọ re a ye.

Matiu 13:4

Ẹghẹ ne ọ na gha kọe khian, eso keghi dele ye adesẹ odẹ, avbe ahianmwẹ keghi rhọ ẹre re.

Matiu 15:22

Okhuo Keman ọkpa keghi ke ẹvbo ni bu ẹre rre, ọ tama rẹn wẹẹ, “Ovbi e Devid, tohan mwẹ, ovbi mwẹ nokhuo mwẹ orhiọn esu, obọ wa dae ẹsẹse.”

Matiu 20:31

Emwa nii rre evba keghi gu iran gui wẹ ne iran gue unu. Sokpan iran dọlegbe kakabọ datu wẹẹ, “Ovbi e Devid tohan mwa.”

Matiu 21:14

Avbe uke kevbe arọe keghi bu ẹre la uwu Ọgua Osa, ọ keghi sinmwi iran hia.

Matiu 21:9

Avbe emwa ni ke odaro ne Jesu kevbe ni rre ọre odieke keghi tọn urhu mu kha wẹẹ, “Urhomwẹ nọ ne ovbi e Devid. Afiangbe Osanobua nọ ne ọmwa ne ọ dee vbe eni Nọyaẹnmwa, Uyi nọ ne Osanobua.”

Matiu 22:42

“Vbe uwa ro ẹmwẹ e Mẹzaia hẹ? De uniẹn ọmwa ne ọ khin?” Iran wanniẹn tama rẹn wẹẹ, “Uniẹn Devid nọ.”

Iyẹn ne ọ Maan Ọghe Mak 10:46

Iran keghi do sẹ Jẹriko. Ugbẹn vbe Jesu ghi khian ke irẹn kevbe erhuanegbe ẹre kevbe emwa ni bun ẹsẹse, okpia ọkpa ne ọ rhu aro, Batimiọs ne ovbi Timiọs keghi tota vbe ọkpẹn odẹ gha vbu evbare.

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Luk 7:21

Vbe ẹghẹ nii zẹẹ, Jesu keghi sinmwi emwa ni khuọnmwi, ni huehue, kevbe ni mwẹ orhiọn dan, ọ keghi vbe rhan avbe arhuaro ni bun aro.

Iwinna 2:30

Akhasẹ rẹn khin, ọ rẹn emwi ne Osanobua ve irẹn re. Osanobua tama rẹn wẹ, rẹn gha ya ọkpa vbe uwu avbe uniẹn ọnrẹn ma ọba, zẹ vbene irẹn vbe ye.