Matiu 20:25 - Edo Bible (E Baibol Ẹdo) Version 1996

²⁵ Jesu keghi tie iran hia, ọ tama iran wẹẹ, “Wa rẹnrẹn wẹ iran ni khaemwisẹ yan emwa, wa mwẹ ẹtin vbe uhunmwu iran kevbe wẹẹ, iran ne ọkaolotu iran wa guan yan iran.

Matiu 20:25 ပူးပေါင်းရင်းမြစ်များ

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 5:19

Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Matiu 20:24

Ugbẹn vbe erhuanegbe ne igbe ni dekẹe họn ẹmwẹ na, iran kegha mu ohu iran ne etẹn eva nii.

Iyẹn ne ọ Maan Ọghe Mak 10:42

Jesu keghi rhunmwuda ọnii tie iran hia rrie egbe, ọ tama iran wẹẹ, “Wa rẹnrẹn wẹẹ, emwa ne a ghi ka ye ni khaemwisẹ yan emwa ọvbehe nẹ, wa mwẹ asẹ vbe uhunmwu iran, kevbe wẹ avbe olotu iran wa kha yan iran ẹsẹse.

I Pita 5:3

Ghẹ gha ho ne u gha khaemwisẹ yan iran ne a viọ nuẹn ne u gha gbe aro ghe, sokpan gha re ne a ghe ru ne oghẹn ohuan.