Matiu 20:22 - Edo Bible (E Baibol Ẹdo) Version 1996

²² Jesu wanniẹn tama iran wẹẹ, “Wa ma kue rẹn emwi ne uwa nọọn. Wa gha sẹtin wọn ukpu ne imẹ ra wọn na ra.” Iran wanniẹn tama rẹn wẹẹ, “Ma gha sẹtin.”

Matiu 20:22 ပူးပေါင်းရင်းမြစ်များ

Psalm 75:3

Avbe emwi ne a yi hia gha rhe gha guọ ighẹ a vbe mu agbọn tobọre rueghe I gha gie ẹyotọ ẹre de ziẹn.

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Jerimaia 49:12

“Adeghẹ te a ghi miẹn wẹ avbe emwa ni ma te kei ne iran rrioya, vbe danmwẹ vbe uwu ukpu irrioya ni, te uwẹ ghi ro i ghe irrioya nii gha la uwẹ ban? Hiehiere, te uwẹ gha vbe wọn vbe uwu ukpu nii!

Matiu 26:35

Pita keghi wanniẹn wẹẹ, “A gha rhe wẹ ne I gha ya wu lele uẹ nọ, mẹ i ra siẹn uẹn ẹdẹdẹmwẹdẹ.” Avbe erhuanegbe hia fẹẹrẹ keghi vbe kha vberriọ.

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Matiu 26:42

Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Matiu 26:56

Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.

Iyẹn ne ọ Maan Ọghe Mak 14:36

Ọ wẹẹ, “Evbavba, Erha mwẹ, a i miẹn emwi ne ẹ i gie uwẹ ru, gie oya na la mwẹ baan sokpan, ẹ i re vbene Imẹ ho vbe ẹ i re vbene uwẹ ho.”

Iyẹn ne ọ Maan Ọghe Luk 12:50

I mwẹ isamẹ ọkpa ne I gha yegbe miẹn. U miẹn vbe egbe mannọ mwẹ hẹẹ, ọ te do fo vbe otọ!

Iyẹn ne ọ Maan Ọghe Luk 22:42

Ọ wẹẹ, “Evbavba, a deghẹ ọ yẹ ruẹ, mu ukpu na hin mwẹ obọ rre, vbene ọ rhirhi gha ye hẹ, ẹ i re ne I mẹ ho sokpan ne uwẹ ho ọre a gha ru.” [

Iyẹn ne ọ Maan Ọghe Jọn 18:11

Jesu tama Pita wẹ, “Rhie umozo ruẹ ye ako. U ma rẹn ighẹ ẹ i mwẹ I ma wọn ukpu orriara ne Erha mwẹ mu mẹ?”

Ebe ne Pọl gbẹẹn gie emwa Rom 8:26

Erriọ zẹẹ ọre nene Orhiọn vbe do gha ye ima ni ma wo vbe egbe obọ. Rhunmwuda ma ma rẹn vbene a ya na erhunmwu hẹ sokpan nene orhiọn ọre ọ rinmwian ne ima vbe ehe ne Osanobua ye, vbe uwu ikhiẹkhiegbe obalọ ne ẹmwẹ unu i sẹtin ta ladian.

Jems 4:3

Wa gha nọ, ẹ i vbe sẹ uwa obọ rhunmwuda, emwi ne ọ ya uwa nọ rẹn, ẹ i ma, emwi ne uwa gha ya gha zẹ ọkpowẹ, ọre uwa họ rẹn.