Matiu 20:21 - Edo Bible (E Baibol Ẹdo) Version 1996

²¹ Jesu nọ rẹn wẹẹ, “Vbe u wẹ ne I ru nuẹn?” Rẹn wanniẹn wẹẹ, “Yan ma mwẹ wẹẹ, u gha rriọba nẹ ivbi mwẹ ọre ọ ra gha tota ke uẹ, ọkpa vbe obọ erha ọmwa, kevbe nọkpa vbe obọ iye ọmwa.”

Matiu 20:21 ပူးပေါင်းရင်းမြစ်များ

I Ọba 2:19

Ẹre Batsiẹba na bu ọba ne ọ ya gu ẹe guan ne Adonaija. Ọba keghi gua kpao ne ọ tue iye ẹe, ọ kevbe vbokho uhunmwu rriotọ ne ẹẹn. Ọ keghi tota ye ẹkete ẹre ọ na wẹ ne iran mu ẹkete ọvbehe rre ne ọ tota yọ diake irẹn vbe obọ erha ọmwa.

I Ọba 3:5

Vbe asọn nii, e Nọyaẹnmwa keghi rhie egbe ma rẹn vbe imina, ọ nọ rẹn wẹẹ, “De emwi ne u ho ne I ru nuẹn?”

Ẹsta 5:3

vbọ khin yi Oloi Ẹsta? Tama mwẹ emwi ne u ho, ọ gha sẹ uẹ obọ, ọ gha khọn rẹn ne ọ gha re ne a wa otọe arriọba mwẹ ye eva nọ.

Psalm 110:1

E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”

Psalm 45:9

Avbe ivbiọba nikhuo rre avbe ikhuo ni rre ẹrriẹ ruẹ amwẹ ọba vbe mudia ye obọ erha ọmwa ẹkete ruẹ, vbe ne ọ na ya emwi itegbe ọghe igoru ne ọ maa sẹẹ han.

Jerimaia 45:5

Te uwẹ ghi ho ne a ya obọ ughaẹn kpataki mu mwẹ ra? Ghẹ danmwẹ ọẹn ghe, te I ra gie ọkhọ rruan emwa nagbọn hia, sokpan, vbene ọ rhirhi a gha ye hẹ, wẹ gha miẹn uhunmwu wẹ kevbe ikpakpa uhunmwu ruẹn okpa vbe ehe ne u rrie, Mẹ ne Nọyaẹnmwa ọre ọ taa ẹe.”

Matiu 18:1

Ẹghẹ ni ọre avbe erhuanegbe na bu Jesu rre, iran nọ rẹn wẹẹ, “Gha ọ kpọlọ sẹ vbe Arriọba ẹrinmwi?”

Matiu 19:28

Jesu keghi tama iran wẹẹ, Ne I tama uwa, ẹghẹ ne Ovbi Ọmwa gha na tota ye ẹkete uyi ẹre vbe Agbọn Ọgbọn ne ọ dee, wa ne iweva ni lele mwẹ na, gha vbe tota ye ẹkete, wa ghi vbe gha bu ohiẹn ẹwae iweva ne ọ rre Izrẹl.

Matiu 20:22

Jesu wanniẹn tama iran wẹẹ, “Wa ma kue rẹn emwi ne uwa nọọn. Wa gha sẹtin wọn ukpu ne imẹ ra wọn na ra.” Iran wanniẹn tama rẹn wẹẹ, “Ma gha sẹtin.”

Matiu 20:32

Jesu keghi mudia, ọ ke tie iran, ọ nọ iran wẹẹ, “Vbe uwa ho ne I ru ne uwa?”

Iyẹn ne ọ Maan Ọghe Mak 10:51

Jesu nọ rẹn wẹẹ, “Vbe ua ho ne I ru nu ẹn?” Arhuaro nii keghi wanniẹn wẹẹ, “Ọmamwaemwi, I ho ne I sẹtin gha dẹghe.”

Iyẹn ne ọ Maan Ọghe Mak 16:19

Ugbẹn vbe Nọyaẹnmwa Jesu ghi gu iran guan nẹ, a keghi tọn ẹn mu gha rrie ẹrinmwi, ọ na tota ye obọ erha ọmwa Osanobua.

Iyẹn ne ọ Maan Ọghe Mak 6:22

Ovbi Hẹrodias ne okhuo ghi la iku, iku ne ọ kuru keghi rhiẹnrhiẹn e Hẹrọd kevbe iran ne ọ tie sẹ owa hia. Rhunmwuda ọnii, ọba khama ọmọ okhuo nii wẹẹ, “De emwi ne I gha rhie nu ẹn? Emwi ne u rhirhi gha ho, I gha rhie nu ẹn.”

Iyẹn ne ọ Maan Ọghe Luk 18:41

“Vbe u a wẹ ne I ru nuẹn?” Rẹn wanniẹn wẹẹ, “Enọwanrẹn, I ho ne I dọlegbe gha dẹghe.”

Iyẹn ne ọ Maan Ọghe Luk 19:11

Jesu keghi kpa itan na ma iran ni danmwehọ ẹre, ọ wa sẹ ọkpẹn Jerusalẹm nẹ, iran hia keghi te ro ighe to Arriọba Osanobua ghi ra suẹn.

Iyẹn ne ọ Maan Ọghe Luk 22:24

Imuanẹmwẹ keghi do la ẹkpo avbe erhuanegbe ye ẹmwẹ ọmwa ne a roro ighẹ ọre ne ọ kpọlọ sẹ vbe uwu iran.

Iyẹn ne ọ Maan Ọghe Jọn 15:7

A deghẹ wa di uwu imẹ ya, ighẹ ẹmwẹ mwẹ vbe rre uwu uwa, ẹghẹ ni, wa gha nọ emwi ne ọ rhirhi khọn uwa, ọ gha sẹ uwa obọ.

Iwinna 1:6

Ugbẹn vbe avbe erhuanegbe ghi koko egbe ya miẹn Jesu, iran nọ rẹn wẹẹ, “Nọyaẹnmwa, ẹ i re te u ra mu nene Arriọba werriegbe ne ivbi Izrẹl na?”

Ebe ne Pọl gbẹẹn gie emwa Rom 12:10

Wa kakabọ gha ho ẹmwẹ egbe zẹ vbe etẹn vbe uwu Kristi, wa gie ẹe gha bọbọ uwa egbe ighẹ ẹmwẹ ọghọ na rhie ne egbe.

Ebe ne Pọl gbẹẹn gie emwa Rom 8:34

De ọmwa ne ọ gha ghi bu ohiẹn gbe iran khekherriọ? Kristi Jesu tobọ ẹre ọ wu, ne a wa kha wẹẹ, ọre a huẹn kpaegbe vbe idin, ne ọ rre obọ erha ọmwa Osanobua. Rẹn ọre ọ rinmwian Osanobua ne ima.

Kọlose 3:1

A huẹn uwa kpaegbe ba Kristi nẹ. Wa gha rhie aro uwa ye emwi ni rre ẹrinmwi khekherriọ, ehe ne Kristi na tota ye uhunmwu ẹkete vbe obọ erha ọmwa Osanobua.