Matiu 20:2 - Edo Bible (E Baibol Ẹdo) Version 1996

² Iran ghi gba tae ye ikọbọ ọkpa vbe ẹdẹ nẹ, iran na gha rrie ugbo ya winna.

Matiu 20:2 ပူးပေါင်းရင်းမြစ်များ

I Ọba 18:12

A deghẹ I ghi kpao nẹ orhiọn e Nọyaẹnmwa tọ ọn mu gha rrie ehe ne a ma rẹn vbo? Ẹghẹ nii, mẹ gha ghi tama Ehab ighẹ u rre emwa, ighẹ rẹn ma ghi miẹn ọn, ọ ghi gbe mwẹ uan. Yerre wẹ, ke ẹghẹ ọvbokhan mwẹ gha dee, ekhọe ọ re I ya ga e Nọyaẹnmwa.

II Krọnikol 34:3

Ọ ghi rre ukpo erẹnrẹn ne Josaia rriọba, vbe ọ he wa rre ọvbokhan, ọ keghi suẹn gha ga Osanobua ọghe Devid ne ọba ne erha ẹe odede. Ọ ghi rre ukpo ne ogienẹ, ọ keghi suẹn gha guọghọ aro ẹbọ kua, amazẹ Asiẹrra ne ẹbọ ne okhuo kevbe avbe amazẹ nekpa hia fẹẹrẹ.

Asan-Ibo 12:1

Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Matiu 18:28

“Okpia na ghi ladian, ọ dekun ọguọmwadia ne ihua ẹre ọkpa ne ọ mwẹ ọre osa enaira eso. Ọ keghi de obọ muẹn, ọ na gha wọ ẹre ẹho, ọ tama rẹn wẹẹ, ‘Ha mwẹ osa ne u rriọ mwẹ rẹ.’

Matiu 20:1

“A ye Arriọba ẹrinmwi gie okpia ọkpa ne ọ mwẹ ugbo emwiokọ ne ovbe kpaegbe vbe owiẹ vbirrivbirri ya viọ emwa iwinna ye ugbo ẹre.

Matiu 20:13

Nọyan ugbo keghi wanniẹn tama ọkpa vbọ wẹẹ, ‘Danmwehọ ose mwẹ, I ma mu uẹn ru. Ẹ i re ikọbọ ọkpa vbe ẹdẹ ma gba tae yi?

Matiu 20:3

Rẹn keghi vbe gha rrie ẹki vbe ihe ẹgogo ihinrin, ọ keghi do vba emwa eso ni i mwẹ emwi ne iran ru vbe evba.

Matiu 20:9

A keghi ha iran ni rre vbe odẹ ihe ẹgogo isẹn ikọbọ ọkpọkpa.

Matiu 22:19

Wa rhie agiẹghẹ igho ne uwa ya zẹ igho uhunmwu ọkpa mẹ ghe.” Iran keghi rhie gie ẹe.

Matiu 9:37

Rhunmwuda ọnii, ọ tama avbe erhuanegbe ẹre wẹẹ, “Emwiorhọ bun ẹsẹse sokpan emwa ni rhọ emwiokọ ma sẹ hiehiere.

Iyẹn ne ọ Maan Ọghe Mak 12:15

Sokpan Jesu rẹn ehe ne iran ghae yi nẹ, ọ keghi wanniẹn wẹẹ, “Vbọzẹ ne uwa na gualọ mwẹ ẹmwẹ ne unu? Wa rhie agiẹghẹ igho ẹrọnmwọ ọkpa mẹ ghe vbe vba.”

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Iyẹn ne ọ Maan Ọghe Luk 10:35

Ẹdẹ ghi gbee, ọ keghi viọ ikọbọ eva ne ne ọ gbe aro ghe owa ekhẹn ni. Ọ tama rẹn wẹẹ, ‘Gha gbe aro ghe ẹre, I gha dọlegbe dee, I gha ha ruẹ igho ne u rhirhi lo nẹẹn.’ ”

Iyẹn ne ọ Maan Ọghe Luk 20:24

Gha ọ yan ugbaro kevbe eni ne a sa yọ na yi?” Iran wanniẹn tama rẹn wẹẹ, “Ọghe Nọgbaisi nọ.”

II Timoti 3:15

U vbe rẹn wẹ, ke ẹghẹ ọvbokhan ruẹn gha dee, u keghi wa rẹn Ebe nii, ne ọ sẹtin rhie nuẹn ighẹ ẹwaẹn ni ne ọ su ọmwa la imiẹnfan, vbe ekpa ne a na ya Kristi Jesu yi.

Arhie Maan 6:6

I keghi họn emwi ne ọ ye vbe urhu ọmwa, ọ kegha ke ehe ne avbe emwi ne a yi ni ma wu enẹ nii ye rre, ọ wẹẹ, “Ovbi ọduẹki ọka ọkpa ọre a gha ya gha ha ọmwa osa iwinna ẹdẹ hoho, obọ eha vbe uwu enẹ ovbi ọduẹki ọka irhuarhua, ọre a gha ya gha ha ọmwa osa iwinna ẹdẹ hoho. sokpan ghẹ rhia iran uan ighẹ avbe ofigbọn oliv kevbe wain.”

I Samuẹl 2:18

E Samuẹl ne ọmọ okpia nii, kegha ga e Nọyaẹnmwa vbe Siailo, ọ ghi mu adaghọ eto ovbiohuẹ rhuan.

I Samuẹl 2:26

Ẹre ọmọ okpia nii ighẹ e Samuẹl na gha wan yọ, aro ne ọ maa ọghe Nọyaẹnmwa kevbe emwa nagbọn, kegha rre ọre egbe.

I Samuẹl 3:1

Ẹghẹ ne ọmọ nii ighẹ Samuẹl na gha ga e Nọyaẹnmwa vbe ototọ Elai. E Nọyaẹnmwa i mobọ gie uhunmwu rre, umian ne ọ rhie ne ọmwa gha miẹn, ma vbe gha kpọ.

I Samuẹl 3:21

E Nọyaẹnmwa keghi wa gha rhie egbe maa vbe Silo, ehe ne ọ na rhie egbe ma Samuẹl, ọ na vbe guẹe guan, Izrẹl hia ghi wa gha rhie ẹmwẹ ọnrẹn.