Matiu 20:19 - Edo Bible (E Baibol Ẹdo) Version 1996

¹⁹ Iran ghi vbe rhie ẹre ne iran ni i re Ju, iran ni gha ya ẹe gbe ogiẹ, iran ghi gbe ẹre asan, iran ghi kan rẹn mu ugbugbe, vbe ikpẹdẹ ne ogieha, a gha huẹn ọnrẹn kpaegbe.”

Matiu 20:19 ပူးပေါင်းရင်းမြစ်များ

Job 30:8

Ẹwobi emwa ni ku ogboi nẹ, a keghi khulo iran hin ẹvbo rre.

Psalm 35:16

Iran keghi gọn aro ikhuiwu ghe mwẹ zẹ vbe emwa ni ye uke gbogiẹ.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 53:3

Ma zan rẹn a keghi vbe he ẹe yotọ. Ọ ziengbe oya kevbe obalọ, a ma miẹn orhiọnkpa ne ọ vbe tọn aro mu ghe ẹre ma keghi wa yangbe ẹe vbene a gha kha ighẹ ẹ i re emwi rhọkpa.

Hozia 6:2

Vbe ọ te ya sẹ ikpẹdẹ eva ra eha, ọ ghi gua ima kpao, ma ghi ya gha rre ehe ne irẹn ye.

Matiu 12:40

Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Matiu 16:21

Ke ẹghẹ ni kpao, ọre Jesu ke suẹn gha tua unu muẹn ma avbe erhuanegbe ẹre wẹẹ, “Ẹ i mwẹ I ma yo Jerusalẹm ne I ya rri oya emwi ni bun vbe obọ avbe eniwanrẹn, avbe igiohẹn kevbe avbe iran ni ma emwa Uhi. Iran gha gbe mwẹ uan, vbe ikpẹdẹ ne ogieha, a gha huẹn mwẹ kpaegbe.”

Matiu 17:23

Iran gha gbe ẹe rua, sokpan, vbe ikpẹdẹ ne ogieha, ọ gha rhiọrre.” Ẹmwẹ na keghi gbe iran ne erhuanegbe egbe.

Matiu 27:26

Pailet keghi fan Barabbas fua ne iran, ọ ghi gbe Jesu asan nẹ, ọ keghi rhie ẹre ne iran, ne iran ya kan rẹn mu ugbugbe.

Matiu 27:63

Iran tama rẹn wẹẹ, “Dọmọ o, ma yerre wẹ ẹghẹ ne ọhọn ohoghe nii na rre agbọn, ọ tae wẹẹ, ‘A gha huẹn mwẹ kpaegbe vbe iyeke ikpẹdẹ eha.’

Iyẹn ne ọ Maan Ọghe Mak 14:65

Eso vbe uwu iran keghi suẹn gha tu asẹn ku Jesu, iran keghi gba ẹre aro, iran ghẹ ghi fi ẹre emwi nẹ, iran ghi nọ rẹn, “Ta ọmwa nọ fi uẹ emwi!” Iran ni khẹ odẹ keghi rhie ẹre, iran na ya ubi yan rẹn.

Iyẹn ne ọ Maan Ọghe Mak 15:1

Vbe owiẹ vbirrivbirri avbe igie ohẹn kevbe avbe ediọn keghi ya gu iran ni ma emwa Uhi kevbe avbe eghaẹvbo do iko ẹgiẹgiẹ, ne iran mwamwa emwi ne iran gha ru. Iran keghi rro eghan ye Jesu obọ, iran na si ẹe bu Pailet.

Iyẹn ne ọ Maan Ọghe Mak 15:15

Pailet keghi ho ne ọ ru emwi ne ogha yẹ iran, ọ na rhunmwuda ọnii fan Barabbas fua ne iran. Ọ ghi wẹ ne iran gbe Jesu asan nẹ, ọ keghi rhie ẹre ne iran ne iran ya kan rẹn mu ugbugbe.

Iyẹn ne ọ Maan Ọghe Luk 18:32

A gha si ẹe gie avbe iran ne ẹ i re Ju, iran gha yae ghe ogiẹ, iran gha ya ukpẹ sakan ẹn, iran gha tu asẹn ku ọre.

Iyẹn ne ọ Maan Ọghe Luk 23:11

Hẹrọd ke ẹe kevbe ivbiyokuo ẹre keghi ya Jesu gbe ogiẹ, iran keghi ru ẹre emwi oya. Iran mu ẹwu ne mose mose ye ọe, iran keghi dọlegbe rhie ẹre bu Pailet.

Iyẹn ne ọ Maan Ọghe Luk 24:46

Ọ tama iran wẹẹ, “Vbe nian ọre a gbẹn ọẹn wẹẹ Mẹzaia gha rri oya, a gha vbe huẹn ọnrẹn kpao vbe idin vbe ẹdẹ ne ogieha.

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 21:11

Ọ keghi bu ima gha dee, ọ keghi rhie ugbẹkun e Pọl, ọ keghi yae gba egbe ẹre obọ vbe owẹ, ọ wẹẹ, “Orhiọn Ne Ọ Huanrẹn wẹ, ‘Vbe nian ọre avbe Ju khian mu ọmwa ne ọ yan ugbẹkun na gba vbe Jerusalẹm, iran ghi mu ẹn gie avbe emwa ne ẹ i re Ju.’ ”

Iwinna 4:27

Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.