Matiu 20:17 - Edo Bible (E Baibol Ẹdo) Version 1996

¹⁷ Ugbẹn vbe Jesu ghi rrie Jerusalẹm, ọ viọ avbe erhuanegbe ẹre ghe efẹn ọkpa vbe odẹ, ọ hẹko tama iran wẹẹ,

Matiu 20:17 ပူးပေါင်းရင်းမြစ်များ

Gẹnẹsis 18:17

E Nọyaẹnmwa keghi tae vbe ekhọe ẹre wẹẹ, “I i sẹtin rhie emwi ne I ra ru lẹre ne Ebraham.

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Matiu 16:13

Jesu kegha rrie agbọn ẹvbo nọ sikẹ Sisaria Filipai, ọ keghi nọ avbe erhuanegbe ẹre wẹẹ, “De ọmwa ne emwa kha ighẹ Ovbi Ọmwa khin?”

Iyẹn ne ọ Maan Ọghe Jọn 12:12

Ẹdẹ ghi gbe, ni bun vbe uwu avbe emwa ni rrie Emwiukpo Alagberra keghi họn ighẹ Jesu die Jerusalẹm.

Iyẹn ne ọ Maan Ọghe Jọn 15:15

I ma ghi tie uwa eguọmwadia nian rhunmwuda ọguọmwadia i rẹn emwi ne arowa ẹre ru. Ọse mwẹ ọre I ghi tie uwa ẹre rhunmwuda emwi hia ne I họẹn vbe unu Erha mwẹ, I vbe talọ ehia ma uwa.

Iwinna 10:41

Ẹ i re emwa hia ọre ọ miẹn ọẹn, sokpan ma ni ne Osanobua zẹ nẹ ne ọ gha re osẹe, ọre ọ miẹn ọẹn. Ma keghi guẹe re a guẹe da vbe Osanobua huẹn ọnrẹn kpaegbe nẹ vbe orinmwi.