Matiu 20:16 - Edo Bible (E Baibol Ẹdo) Version 1996

¹⁶ Jesu keghi gbe ẹe wanniẹn wẹẹ, “Erriọ ye zẹẹ. Ikaro gha khian ikiekie, ikiekie gha khian ikaro.”

Matiu 20:16 ပူးပေါင်းရင်းမြစ်များ

Matiu 19:30

Sokpan ni bun vbe uwu iran ni ke aro nian gha do khian ni ke iyeke, iran ni te ke iyeke ghi do ke odaro.

Matiu 21:31

Vbe uwu iran eva na, gha ọ ru emwi ne erha ẹe ho vbọ?” Iran wanniẹn wẹẹ, “Nọdiọn nọ.” Jesu wanniẹn tama iran wẹẹ, “Ne I tama uwa, avbe iran ni koko igho uhunmwu kevbe avbe igberagia ọre ọra ka la arriọba Osanobua khẹ uwa.

Matiu 22:14

Jesu keghi vbe wanniẹn wẹẹ, “Rhunmwuda, ni bun ọre a tiere sokpan ibozẹghe ọre a hannọ zẹ.”

Matiu 7:13

“Wa la onurho ne wẹnrẹn la owa, rhunmwuda, te onurho ẹrinmwi erhẹn ye gbodoo, odẹ ne a la sọe vbe rriẹ, emwa ni lae wa vbe bun.

Iyẹn ne ọ Maan Ọghe Mak 10:31

Sokpan ni bun vbe iran ni re ikaro nian gha khian ikiekie, iran eso vbe uwu enikiekie gha vbe khian ikaro.”

Iyẹn ne ọ Maan Ọghe Luk 14:24

Ne I tama uwa hia, iran ne a tiere nii, ne ọ gha ghi ye unu kan evbare mwẹ, ẹ i rrọọ.’ ”

Iyẹn ne ọ Maan Ọghe Luk 15:7

Ne I tama uwa, erriọ ọ wa vbe ye zẹ, ọmwa orukhọ ọkpa ne ọ fi ekhọe werriẹ, ọ re a rhunmwuda ẹre ghọghọ vbe ẹrinmwi sẹ ọkpairrọvbiyisẹn ni ma fi owẹ dọn.

Iyẹn ne ọ Maan Ọghe Luk 7:47

Ne I tama ruẹn nian, a ho ẹmwẹ ọmwa nọkhua ne ọ rhie ma na, gie aro dae ighe a ye orukhọ ẹre ni bun bọe nẹ. Ọmwa ne a ya nekherhe bọ aho ẹmwẹ ọmwa kherhe ọre ọ vbe rhie ma.”

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

Ebe ne Pọl gbẹẹn gie emwa Rom 8:30

Osanobua keghi tie iran ne irẹn zẹ ye efẹn ọkpa nẹ, ẹ i re wẹ ọ tie iran ọkpa, sokpan ọ keghi vbe ye iran dọlọ kugbe ba egbe irẹn, ẹ i re wẹ ọ dọlọ iran kugbe ba egbe ọkpa, sokpan ọ keghi vbe ghae ne iran vbe uwu uyi ẹre.

Ebe ne Pọl gbẹẹn gie emwa Rom 9:30

Vbe ima a ghẹ ghi tae hẹ yi? Vbe nian, wẹ emwa ne ẹ i re Ju, ni ma zẹdẹ hia ne iran gu Osanobua dọlọ kugbe, keghi do khian ne iyayi dọlọ kugbe ba ẹre.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.