Matiu 2:8 - Edo Bible (E Baibol Ẹdo) Version 1996

⁸ Ọ keghi gie iran gha rrie Bẹtlẹhẹm ọ wẹẹ, “Wa ya gbe aro kotọ gualọ ọmọ na, wa ghẹ ghi miẹn ọẹn nẹ, wa do khama mwẹ ne imẹ miẹn ehe na vbe ya ya uhunmwu rhanmwẹ otọ nẹẹn.”

Matiu 2:8 ပူးပေါင်းရင်းမြစ်များ

II Samuẹl 17:14

Absalọm kevbe emwa rẹn keghi kha wẹẹ, “Iro ne Husiai zẹe ọ re ọ maa sẹ ọghe Ahitofẹl.” E Nọyaẹnmwa ta ẹe nẹ wẹ a i rhie iro esi ne Ahitofẹl zẹ rhunmwuda ne ọkhọ miẹn ehe na rruan Absalọm.

I Ọba 19:2

Okhuo ni keghi gie ne a tama Elaija wẹẹ: “Te avbe ẹbọ gha kinmwi mwẹ gbe ua a deghẹ ọ te sẹ ẹghẹ na akhuẹ mẹ ma ru uwẹ zẹ vbene u ru avbe akhasẹ nii.”

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Eve Orriara 3:37

Iho e Nọyaẹnmwa ọkpa, ọ re a ru vbe ẹghẹ hia.

Matiu 2:1

Ẹvbo Bẹtlẹhẹm ọghe Judia ọre a na biẹ Jesu vbe ẹghẹ ọba Hẹrọd. Vbe ọ ma ghi he kpẹe, avbe emwa eso ni ghe umian vbe orhọnmwẹ, keghi ke odẹ ahọ gha die Jerusalẹm.

Matiu 2:7

Hẹrọd keghi si avbe orhunmwuyẹn ni ke owẹn owiẹ rre na uma, ọ keghi nọ iran ẹghẹ ne nene orhọnmwẹ ya ladian zẹẹ.

Matiu 2:9

Iran keghi si okhian. Ugbẹn vbe iran ghi wa la odẹ, orhọnmwẹ ne iran ka miẹn vbe ọlarre ovẹn, kevbe ladian, ọ keghi ke odaro ne iran rhinrin ọ te ya demudia vbe ehe ne ọmọ ni ye.