Matiu 2:7 - Edo Bible (E Baibol Ẹdo) Version 1996

⁷ Hẹrọd keghi si avbe orhunmwuyẹn ni ke owẹn owiẹ rre na uma, ọ keghi nọ iran ẹghẹ ne nene orhọnmwẹ ya ladian zẹẹ.

Matiu 2:7 ပူးပေါင်းရင်းမြစ်များ

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Ẹksọdọs 1:10

Rhunmwuda ọnii, wa danmwehọ, te ima gha ya ẹwaẹn ya obọ mu iran ne iran ghẹ ghi muan sayọ. Okuo i ghẹ rre, iran sẹtin wa deba avbe eghian ima gu ima gbinna, iran ghi lẹkua vbe ẹvbo na.”

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Matiu 2:1

Ẹvbo Bẹtlẹhẹm ọghe Judia ọre a na biẹ Jesu vbe ẹghẹ ọba Hẹrọd. Vbe ọ ma ghi he kpẹe, avbe emwa eso ni ghe umian vbe orhọnmwẹ, keghi ke odẹ ahọ gha die Jerusalẹm.

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Matiu 2:8

Ọ keghi gie iran gha rrie Bẹtlẹhẹm ọ wẹẹ, “Wa ya gbe aro kotọ gualọ ọmọ na, wa ghẹ ghi miẹn ọẹn nẹ, wa do khama mwẹ ne imẹ miẹn ehe na vbe ya ya uhunmwu rhanmwẹ otọ nẹẹn.”

Iwinna 24:22

Ẹghẹ nii ọre Fẹlis ne ọ mobọ rẹn emwi vbe ekpa odẹ nii na dobọ ẹzọ ni yi. Ọ tama iran wẹ, “Lisias ne ọkaokuo gha ghi rre, ọre i ghi na bu ohiẹn uwa.”

Arhie Maan 12:15

Ẹyẹn keghi tue amẹ ne ọ ye vbe ẹzẹ ke unu ẹnrẹn ladian, ọ keghi zẹ ọe lele okhuo nii, ne amẹ nii lẹ ọre gha rrie.

I Samuẹl 18:21

Ọ keghi kha wẹẹ, “I gha rhie Mikal ne Devid, I gha ya ẹe khuẹn ifi muẹn ne ivbi e Filistin gbe ẹe rua.” Rhunmwuda ọnii, e Sọl keghi tama Devid ukpogieva wẹẹ, “I gha ya ọmọ ne uẹn.”