Matiu 2:6 - Edo Bible (E Baibol Ẹdo) Version 1996

⁶ “ ‘Bẹtlẹhẹm ne ọ rre Judia, wẹ i re ne ọ kanmwa sẹ, vbe ẹbu ẹvbo iriegie Judia Rhunmwuda, odọ ọwuẹ ọre ọkaolotu gha ke ladian rre ne ọ do ru arọndẹ ne Izrẹl, emwa mwẹ.’ ”

Matiu 2:6 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

II Samuẹl 5:2

Ẹghẹ ne ọ gberra, vbe Sọl he re ọba ima, wẹ ọ re ọ gha viọ ivbi Izrẹl yo okuo, e Nọyaẹnmwa keghi vbe tama ruẹn wẹẹ, ‘U gha su emwa mwẹ, u ghi vbe gha re ne ọ khaemwisẹ yan iran.’ ”

I Krọnikol 2:51

E Saima ne ovbi ẹre ne ukpogieva keghi bu ẹvbo ne a tie ẹre Bẹtlẹhẹm, e Haref ne ovbi ẹre ne ukpogieha na bu ẹvbo ne a tie ẹre ọ Betgada.

I Krọnikol 5:2

Sokpan, ọ rhe ye vberriọ, ẹwae Juda ọ re ọ do wegbe sẹ, ọ na biẹ enọ khaemwisẹ ne ẹwae ni hia.)

Ẹzra 2:21

Emwa ne avbe erha iran odede yin avbe ẹvbo na, kevbe gha die owa: E Bẹtlẹhẹm — Eha yan iyi ehan (123) Nẹtofa — enẹirrọvbiyeha (56) Anatọt — erẹnrẹn yan iyehan (128) Azmavẹt — eva yan iyeva (42) E kirriat Jerim, kiefira kevbe Birot — eha yan iyeva yan iyisẹn ihinrọn (743) E Ramat kevbe Geba — ọkpayan ugie yan arriaeha (621) E Mikmas — evayan iyehan (122) E Bẹtẹl kevbe Ai — eha yan ugie yan uri (223) E Nibo — eva yan ekigbesiyeha (52) E Magbis — enẹirrọ vbe iyerẹnrẹn (156) Ẹlam nọkpa — uri vbe ehanirrọvbiyeha yan arria isẹn (1,254) E Harim — ugie yan iyisẹn eha (320) E Lọd, e Hedid kevbe Ono — ekesọgban yan iyisẹn ihinrọn (725) E Jẹriko — isẹn yan iyeva yan iyisẹn eha (345) Sena — arriaeha vbe ọgban yan arria isẹn eha (3,630)

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Nọmbas 24:19

Okpẹvbo Izrẹl gha ye owẹ rri iran ginna otọ ọ ghi kpolo iran ni ghi te ke ẹe vbọ kua.”

Matiu 2:1

Ẹvbo Bẹtlẹhẹm ọghe Judia ọre a na biẹ Jesu vbe ẹghẹ ọba Hẹrọd. Vbe ọ ma ghi he kpẹe, avbe emwa eso ni ghe umian vbe orhọnmwẹ, keghi ke odẹ ahọ gha die Jerusalẹm.

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Iyẹn ne ọ Maan Ọghe Jọn 21:16

Ukpogieva, Jesu vbe tama rẹn wẹ, “Saimọn ne ovbi e Jọn, wẹ ho ẹmwẹ mwẹ ra?” Rẹn wanniẹn wẹẹ, “Ẹsẹse Nọyaẹnmwa, wẹ rẹnrẹn ighẹ I ho ẹmwẹ ruẹn.” Jesu tama rẹn wẹ, “Gha gbe aro ghe ohuan mwẹ.”

Iyẹn ne ọ Maan Ọghe Jọn 7:42

Ebe khare wẹ uniẹn Devid ọre nene Mẹzaia ra gha khin, kevbe wẹ Bẹtlẹhẹm ne ẹvbo Devid ọre a ra na biẹ ọe.”

Ẹfisọs 1:22

Osanobua keghi viọ emwi hia ye ototọ owẹ Kristi, ọ keghi vbe rhie ẹre ne esọsi zẹ vbe Ogie nọkhua nọyan emwi hia.

Kọlose 1:18

Rẹn ọrọre uhunmwu ra arowa esọsi ẹre, ne ọ re ikinnegbe ẹre, obọ ẹre ọre arrọọ ne ikinnegbe nii mwẹ, ke rre, rẹn ọrọre Ọmọdiọn ne a huẹn kpaegbe vbe orinmwi, ne a miẹn ehe na miẹn wẹ, rẹn ọre ọ rre ukpo ne okaro vbe uwu emwi hia.

Hibru 7:14

Agbọn hia rẹnrẹn ighẹ uniẹn Juda rẹn la rre. Mosis ma ye unu kan uniẹn na vbe ẹghẹ ne ọ na gha ta ẹmwẹ avbe ohẹn.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”