Matiu 2:5 - Edo Bible (E Baibol Ẹdo) Version 1996

⁵ Iran na tama rẹn wẹẹ, “Bẹtlẹhẹm ọghe Judia nọ. Rhunmwuda, vberriọ ọ re avbe akhasẹ gbẹn ọẹn:

Matiu 2:5 ပူးပေါင်းရင်းမြစ်များ

Gẹnẹsis 35:19

Ugbẹn vbe Rekiẹl ghi wu nẹ, a keghi re ẹre ye odẹ ne a la ye Efrat (ne ọ ghi re Bẹtlẹhẹm na).

Matiu 2:1

Ẹvbo Bẹtlẹhẹm ọghe Judia ọre a na biẹ Jesu vbe ẹghẹ ọba Hẹrọd. Vbe ọ ma ghi he kpẹe, avbe emwa eso ni ghe umian vbe orhọnmwẹ, keghi ke odẹ ahọ gha die Jerusalẹm.

Matiu 2:4

Ọ keghi tie iko avbe igie ohẹn kevbe avbe ọ rẹn Uhi, ọ na nọ iran wẹẹ, “De ehe ne a wẹ a gha na biẹ Mẹzaia?”

Iyẹn ne ọ Maan Ọghe Jọn 7:42

Ebe khare wẹ uniẹn Devid ọre nene Mẹzaia ra gha khin, kevbe wẹ Bẹtlẹhẹm ne ẹvbo Devid ọre a ra na biẹ ọe.”

Jọsua 19:15

Ẹvbo ni deba ẹre kegha re Kata, Nahalal, Simrọn, Idala kevbe Bẹtlẹhẹm, okpẹvbo iweva kevbe ẹvbo ni lẹga iran.

Giọgis 17:7

Igbama ọkpa kegha rre Bẹtlẹhẹm vbe Juda, e Livai ne ọ ke Juda rre nọ.

Ebe Rut 1:1

Vbe ẹghẹ ne ọ kpẹe fua, ẹkpo ne Izrẹl i na he mwẹ ọba, ukhunmwu keghi do fi vbe ẹvbo nii. Ẹre okpia ọkpa ne a tie ẹre Ẹlimẹlẹk ne ọ re ovbi ẹwae Ifrat, ne ọ gha rre Bẹtlẹhẹm vbe Juda na rhie amwẹ ọnrẹn ighẹ Naomi kevbe ivbi iran ne ikpia eva e Malọn kevbe Kiliọn iran na ya gha rre Moab.

Ebe Rut 1:19

Iran na ghi gha khian iran te do sẹ Bẹtlẹhẹm. Iran ghi sẹ evba, emwa hia keghi ye yeye ẹe, avbe ikhuo nii na kha wẹẹ, “E Naomi ọna gele khin ra?”

Ebe Rut 2:4

E Boaz tobọ ẹre keghi ke Bẹtlẹhẹm rre, “Ọ keghi tue emwa iwinna wẹ Nọyaẹnmwa deba uwa.” Iran keghi wanniẹn wẹẹ, “Nọyaẹnmwa fiangbe uwẹ.”

Ebe Rut 4:11

Emwa ni keghi wanniẹn wẹẹ, “Ẹn, ma ọrọre osẹe.” Avbe ediọn keghi kha wẹẹ, “Te Nọyaẹnmwa gha gie okhuo nii ne ọ die owa ruẹ ẹrẹna gha yevbe Rakiẹ kevbe Lia ni biẹlẹ emọ ni bun ne Jekọb. Te u gha khian ọmwa ne ọ fee vbe ẹwae Efrata kevbe ọmwa ne ọ hin usi vbe Bẹtlẹhẹm.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”