Matiu 2:4 - Edo Bible (E Baibol Ẹdo) Version 1996

⁴ Ọ keghi tie iko avbe igie ohẹn kevbe avbe ọ rẹn Uhi, ọ na nọ iran wẹẹ, “De ehe ne a wẹ a gha na biẹ Mẹzaia?”

Matiu 2:4 ပူးပေါင်းရင်းမြစ်များ

II Krọnikol 34:13

Avbe Livai ọvbehe kegha gbe aro ghe emwi ne a la gie iran, kevbe ne a gha gbe aro ghe avbe iwinna ughughan ne iran winna, iran nekpa kegha gbẹnnẹ avbe emwi ne a loro ye otọ ra ne iran gha khẹ odẹ.

II Krọnikol 34:15

Rẹn keghi tama Siafan wẹẹ, “I miẹn ebe uhi vbe uwu Ọgua Osa vbe emwa na.” Ọ keghi mu ebe ne ne Siafan,

II Krọnikol 36:14

Deba ena hia avbe ọkaolotu e Juda avbe ohẹn kevbe avbe emwa nii, keghi wa gha yin zẹ vbe emwa ni rre ẹvbo ni lẹga iran, iran na gha gho ẹbọ, iran keghi la ekpa ọnii mu awua ye Ọgua Osa ne Nọyaẹnmwa tobọ ẹre ya khian ne ọ huanrẹn nẹ.

Ẹzra 10:5

Rhunmwuda ọnii, Ẹzra keghi suẹn ọnrẹn vbene ọ na wẹ ne avbe ọkaolotu avbe ohẹn, e Livai kevbe avbe emwa nekpa, ne iran do vẹn ihẹn wẹ iran gha ru vbene Siekanaia zẹ iro ẹre.

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Jerimaia 8:8

Vbe uwa ra na sẹtin kha hẹ yi ighe wa wan, kevbe wẹ wa rẹn uhi mwẹ? Ghe avbe ọgbenbe ne ẹ i gia mu ẹtin yan, fi avbe uhi nii werriẹ nẹ.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Matiu 13:52

Ọ keghi dọlegbe tama iran wẹẹ, “Ọnii rhie ma wẹ deghẹ ọma emwa Uhi ọkpa do khian ọrhuanegbe vbe uwu Arriọba ẹrinmwi, rẹn ghi do yevbe ọdafẹn nọyan owa, ọ ghi vbe gha viọ emwi ọgbọn kevbe emwi ọwiẹyi ke uwu aza ẹre ladian.”

Matiu 2:3

Ugbẹn vbe Hẹrọd họn ẹmwẹ na, iro keghi han irẹn kevbe emwa hia ni rre Jerusalẹm.

Matiu 2:5

Iran na tama rẹn wẹẹ, “Bẹtlẹhẹm ọghe Judia nọ. Rhunmwuda, vberriọ ọ re avbe akhasẹ gbẹn ọẹn:

Matiu 21:15

Ugbẹn vbe avbe igiohẹn kevbe iran ni ma emwa Uhi ghi miẹn emwi ọyunnuan ne ọ ru deba avbe ibiẹka nọ go kevbe ni wee vbe uwu Ọgua Osa wẹẹ, “Uyi nọ ne ovbi e Devid.”

Matiu 21:23

Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Matiu 26:3

Ẹghẹ ni ọre avbe igiohẹn kevbe avbe ediọn avbe Ju na ya do iko vbe ẹguae Kaiafas ne Ogie Ohẹn.

Matiu 26:47

Vbene ọ wa guan nii, Judas, ọkpa vbe uwu iran ne iweva keghi rre. Emwa ni bun ni viọ orhokhua kevbe umozo mwẹ keghi lele ẹe, iran na kegha re emwa ne a gie ke ọ ghe igie ohẹn kevbe ediọn avbe Ju gha dee.

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Matiu 7:29

Ọ ma ye vbe iran ni ma emwa Uhi. Ẹmwẹ asẹ ọghe obọ ẹre ọre ọ ta.

Iyẹn ne ọ Maan Ọghe Mak 8:31

Ẹghẹ ni, Jesu keghi suẹn gha tama avbe erhuanegbe ẹre wẹẹ, “Ovbi Ọmwa gha rrioya ẹsẹse, avbe ediọn kevbe igie ohẹn kevbe iran ni ma emwa Uhi gha hẹee ye otọ. A gha gbe ẹe rua sokpan vbe. ikpẹdẹ nogieha, ọ gha rhiọkpaegbe.”

Iyẹn ne ọ Maan Ọghe Luk 20:19

Iran ni ma emwa Uhi, kevbe avbe igie ohẹn keghi te ra wa mu Jesu vbe evba rhunmwuda iran rẹnrẹn ighe rhunmwuda iran ọre ọ na kpa itan ni, sokpan ohan avbe emwa ni rre evba kegha mu iran.

Iyẹn ne ọ Maan Ọghe Luk 23:10

Avbe igie ohẹn kevbe iran ni ma emwa Uhi keghi ladian, iran keghi ba Jesu ifi ẹzọ.

Iyẹn ne ọ Maan Ọghe Jọn 18:3

Rhunmwuda ọnii Judas keghi viọ ivbiyokuo eso kevbe avbe ọgbalegbe Ọgua Osa ne avbe igie ohẹn kevbe avbe Farisi gie, ba egbe gha rrie uwu ogba, iran mu egbe igbinna, iran keghi vbe viọ ukpa mwẹ obọ gha khian.

Iyẹn ne ọ Maan Ọghe Jọn 3:10

Jesu wanniẹn wẹẹ, “Ọmamwaemwi nọkhua wẹ khin vbe Izrẹl, u ma rẹn ọna ra?

Iyẹn ne ọ Maan Ọghe Jọn 7:32

Avbe Farisi keghi họn wẹ emwa do ta ẹmwẹ na vbe ẹkhokho vbe ekpa ẹre, rhunmwuda ọnii, iran, deba avbe igie ohẹn keghi gie avbe ọgbalegbe eso ne iran ya mu Jesu.

Iyẹn ne ọ Maan Ọghe Jọn 8:3

Iran ni ma emwa Uhi kevbe avbe Farisi keghi mu okhuo ọkpa ne a mu vbe oghẹ rre, iran keghi rhie ẹre mudia ye odaro iran hia.

Iwinna 23:9

Uvannọmwẹ kegha hin odukhunmwu. Eso vbe uwu iran ni ma emwa Uhi ni vbe rre otu avbe Farisi keghi gua kpaegbe, iran tua unu muẹn wẹ, “Ma ma miẹn abe rhọkpa vbe obọ okpia na, ughaghe odibo Osa ra orhiọn ọre ọ gele gu ẹe guan!”

Iwinna 4:5

Ẹde ghi gbe, olotu avbe Ju, avbe ediọn, kevbe iran ni ma emwa Uhi, keghi si egbe koko vbe Jerusalẹm.

Iwinna 6:12

Erriọ iran ya ruẹn ẹmwẹ ye avbe emwa kevbe avbe ediọn kevbe iran ni ma emwa Uhi ẹko. Iran na bu Stivin gha dee, iran mu ẹn, iran na rhie ẹre gha die odaro Iko.