Matiu 2:20 - Edo Bible (E Baibol Ẹdo) Version 1996

²⁰ Ọ wẹẹ, “Kpaegbe, mu ọmọ ni kevbe iye ẹe ne uwa gha rrie otọe Izrẹl rhunmwuda iran ni te gualọ ọmọ ni ne iran gbe ẹe rua wulo nẹ.”

Matiu 2:20 ပူးပေါင်းရင်းမြစ်များ

I Ọba 11:21

E Hadad ghi họn vbe Igipt wẹ e Devid wu, kevbe wẹ e Joab ne ọka ivbi iyokuo vbe wu, e Hadad keghi tama ọba wẹẹ, “Gun mwẹ werriegbe gha rrie ẹvbo mwẹ.”

I Ọba 11:40

Rhunmwuda ọnii, e Solomọn keghi te gha ho ne ọ gbe Jeroboam rua, sokpan, rẹn keghi lẹ gha rrie ọghe Sisiak ne ọba Igipt, ọ na gha rre odọ e Solomọn te do wu.

Ẹksọdọs 4:19

E Nọyaẹnmwa keghi tama e Mosis vbe Midian wẹẹ, “Banbanna nian, dọlegbe gha rrie Igipt, iran hia ni te ho ne iran gbe uẹ ua wulo nẹ.”

Matiu 2:13

Ugbẹn vbe iran ghi kpao vbe evba nẹ, odibo e Nọyaẹnmwa keghi rhiegbe ma e Josẹf vbe imina, ọ tama rẹn wẹẹ, “Kpaegbe, mu ọmọ ni kevbe iye ẹe lẹ gha rrie Igipt, di evba ya I te do tama ruẹn ne ukpa vba. Hẹrọd gha gualọ ọmọ na ne irẹn gbe ẹe rua.”

Matiu 2:19

E Hẹrọd ghi wu nẹ, odibo e Nọyaẹnmwa keghi rhiegbe ma Josẹf vbe imina vbe otọ Igipt.

Matiu 2:21

E Josẹf keghi mu ọmọ ni kevbe iye ẹe, iran kegha rrie otọe Izrẹl.