Matiu 2:2 - Edo Bible (E Baibol Ẹdo) Version 1996

² Iran do nọọn wẹẹ, “Ọmọ ne a biẹ ẹe ne ọ do rriọba avbe Ju vbo? Ma miẹn orhọnmwẹ ọnrẹn vbe ọlarre owẹn, ọre ima na gha de do ye uhunmwu rhanmwẹ otọ nẹẹn.”

Matiu 2:2 ပူးပေါင်းရင်းမြစ်များ

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 45:11

Ose ruẹ gha ya ọba ho ẹmwẹ ruẹn, rẹn ọrọre arowa a rhunmwuda ọnii, u ghi gha họn ẹmwẹ ne ẹẹn.

Aizaia 60:3

Avbe uhunmwu ẹvbo gha rri uwu uwanmwẹ ruẹn avbe ọba gha vbe gha die uwu ẹdẹ ọgbọn ọwuẹ.

Jerimaia 23:5

E Nọyaẹnmwa khare wẹẹ, “Ẹghẹ dee ne I gha na zẹ ọba vbe ivbi e Devid ni mwẹ ekhọe esi vbọ. Ọba nii gha ya ẹwaẹn khaemwisẹ, ọ ghi ru emwi ne ọ here ke ne ọ hẹnhẹn vbe otọe nii hia.

Jerimaia 30:9

Sokpan, mẹ ọ re iran ra gha ga, mẹ ne Osanobua iran, kevbe ovbi uniẹn e Devid ne imẹ gha rhie ya ma ọba.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Matiu 2:3

Ugbẹn vbe Hẹrọd họn ẹmwẹ na, iro keghi han irẹn kevbe emwa hia ni rre Jerusalẹm.

Matiu 21:5

“Wa khama Zaiọn ne okpẹvbo, ọba ruẹ bu ruẹ dee nian. Ọmẹhẹ ne ọ hin ekẹtẹkẹtẹ, ọ hin ekẹtẹkẹtẹ ne aranmwẹ ne a ya kun ihẹ ke ovbi ekẹtẹkẹtẹ ne sọguọsọguọ.”

Matiu 27:11

Jesu keghi mudia ye odaro Nọkhaemwisẹ ne ọ gha nọ rẹn ọta. Rẹn keghi nọ Jesu wẹẹ, “Wẹ ọrọre ọba avbe Ju ra?” Jesu wanniẹn tama rẹn wẹẹ, “Erriọ u khare.”

Iyẹn ne ọ Maan Ọghe Luk 19:38

“Te Osanobua gha fiangbe ọba ne ọ dee vbe eni Nọyaẹnmwa! Ọfumwegbe vbe ẹrinmwi kevbe uyi ne Osanobua.”

Iyẹn ne ọ Maan Ọghe Luk 2:11

Vbe ẹdẹnẹrẹ na, a biẹ Kristi Nọyaẹnmwa ne ọre Ọmiọnmwafan uwa, vbe ẹvbo Devid.

Iyẹn ne ọ Maan Ọghe Luk 23:3

Pailet nọ rẹn wẹẹ, “Wẹ ọrọre ọba avbe Ju ra?” Jesu wanniẹn wẹẹ, “Wẹ ọre ọ tae.”

Iyẹn ne ọ Maan Ọghe Luk 23:38

Iran keghi gbẹn emwi mu ye odukhunmwu ẹnrẹn, “Ọna ọrọre Ọba avbe Ju.”

Iyẹn ne ọ Maan Ọghe Jọn 1:49

Nataniẹl wanniẹn wẹẹ, “Ọmaemwaemwi, Ovbi Osanobua ọre u khin, wẹ ọrọre Ọba Izrẹl.”

Iyẹn ne ọ Maan Ọghe Jọn 12:13

Rhunmwuda ọnii, iran keghi viọ ewanmwẹ mwẹ obọ ya khian vba ẹre, iran kegha wee bọọ wẹẹ, “Wa rhie urhomwẹ ne Osanobua. Afiangbe Osanobua nọ ne ọmwa ne ọ dee vbe eni Nọyaẹnmwa. Afiangbe Osanobua nọ ne Ọba Izrẹl.”

Iyẹn ne ọ Maan Ọghe Jọn 18:37

Rhunmwuda ọnii, Pailet nọ rẹn wee, “Ọnii rhie ma ighe ọba we gele khin?” Jesu wanniẹn wẹẹ, “Wa ọre ọ khare ighe ọba mẹ khin. Emwi ne ọ si ẹe ne I na gha dee, ne a na vbe biẹ mwẹ vbe agbọn na ọrọre ne I do ta ẹmwẹ ẹmwata, ọmwa ne ọ ghi re ọghe ẹmwata nẹ gha danmwehọ mwẹ.”

Iyẹn ne ọ Maan Ọghe Jọn 19:19

Pailet keghi gbẹn emwi mu ne iran mu yan ugbugbe, Emwi ne ọ gbẹn ọrọre: “Jesu ne ovbi e Nazarẹt ọba avbe Ju.”

Iyẹn ne ọ Maan Ọghe Jọn 20:28

Tọmọs wanniẹn tama rẹn wẹẹ, “Nọyaẹnmwẹ kevbe Osanobua mwẹ!”

Iyẹn ne ọ Maan Ọghe Jọn 5:23

Ne emwa hia miẹn ehe na gha ye ọghọ ne Ọmọ zẹ vbene avbe ya ọghọ ne Erha. Ọmwa ne ọ ma ye ọghọ ne Ọmọ ọ ma ya ọghọ ne Erha ne ọ gie ẹe.

Iyẹn ne ọ Maan Ọghe Jọn 9:38

Okpia ni keghi kha wẹẹ, “I yayi Nọyaẹnmwa.” Ọ keghi diguẹ ne Jesu.

Hibru 1:6

Osanobua ghi ra gie Ọmọdiọn rẹn gha die agbọn, ọ keghi kha wẹẹ, “Te avbe odibo Osa hia gha ya uhunmwu rhanmwẹ otọ nẹẹn.”

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”