Matiu 2:19 - Edo Bible (E Baibol Ẹdo) Version 1996

¹⁹ E Hẹrọd ghi wu nẹ, odibo e Nọyaẹnmwa keghi rhiegbe ma Josẹf vbe imina vbe otọ Igipt.

Matiu 2:19 ပူးပေါင်းရင်းမြစ်များ

Psalm 139:7

De ehe ne 1 gha yo, ne I gha na lẹ fe uẹ? De ehe ne I gha na sẹtin lẹ hin ehe ne u ye rre?

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Ezikiẹl 11:16

Banbanna nian, tama avbe ihua ne uwa gba rre iwe vbene I kha hẹ. Mẹ ọre ọmwa ne ọ viọ iran gha rrie ẹvbo ne ọ rrei ne iran gha rre odọ, I keghi vbe zagha iran gba ẹvbo ọvbehe hia. Sokpan, vbe ọghe banbanna, I gha gu iran gha rrọ vbe ẹvbo ne iran ye.

Daniẹl 11:45

Ọ gha ya mu avbe owa ukpọn ọba ọghọe ne tẹgbẹẹ, ye ẹkpo okun kevbe oke nọkhua, ne a bọ Ọgua Osa yi sokpan, Ọ gha wu vbene ọmwa rhọkpa i ra na gha rre evba ne ọ gha yọre obọ.”

Daniẹl 8:25

Rhunmwuda ighe ọmwa ero nọ, emwi ero ne ọ ru hia ghi wa gha dunna ne ẹẹn. Rẹn gha wa gha ye emwi ne irẹn khin hio, ọ ghi vbe fuẹn emwa nibun uan vbe a ma ro a ma kọ, uhin ighe te ọ ra yagha Ọba ne ọ kpọlọ Sẹehia fẹẹrẹ sokpan, a gha fuẹn ọnrẹn uan vbe ne a i na lo ẹtin ọmwa nagbọn hiehiere.

Matiu 1:20

Vbene ọ wa ziro na vbekhọe, odibo ọghe Nọyaẹnmwa keghi rhiegbe ma rẹn vbe imina, ọ na tama rẹn wẹẹ, “Josẹf ne ovbi uniẹn Devid, ghẹ fian afianma ya rhie Meri ne amwẹ ọn la owa rhunmwuda ọmọ ne ọ hanmwa ni, ke obọ Orhiọn Ne Ọ Huanrẹn rre nọ.

Matiu 2:20

Ọ wẹẹ, “Kpaegbe, mu ọmọ ni kevbe iye ẹe ne uwa gha rrie otọe Izrẹl rhunmwuda iran ni te gualọ ọmọ ni ne iran gbe ẹe rua wulo nẹ.”

Matiu 2:22

Ugbẹn vbe ọ ghi họn ighẹ, Akilọs ne ovbi e Hẹrọd rriọba lele erha ẹe, ohan ma ghi gie Josẹf yakọ vbe evba. Ọ ghi rre imina, a keghi vbe dọlegbe bu ẹre ude emwi ne ọ gha ru. Ọ keghi kpao gha rrie otọe e Galili.

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”

Iwinna 5:19

Sokpan vbe asọn nii, odibo e Nọyaẹnmwa keghi kie urho ẹwẹdọ nii, ọ viọ avbe ukọ ladian, ọ keghi tama iran wẹẹ,